يـا غــزالٍ شفتهـــا عند البحــــــر=هي تحسْبـه ماء غديرٍ أو ســراب
أو تبـي تبدي بهاهــــا للبشـــــــر=يومهـا عن وجههـا طاح النقــاب
كنّهــا من حسنهــا فقشــة قمــــــر=غار منها وإحتجب خلف السحاب
قلت روحي موطنك ضفة نهــــر=بين ترْف الزّهْر و مْيـاهٍ عـــذاب
أو وسَط روضه بها نبْت و شجر=وإتركينــي لا تزيدينــي عـــــذاب
وحشــة الغـدّار لــي فيهــا نظــــر=تلهـيَ المهموم عن هول المصاب
مـن لمحْتـه فاض دمعـي و إنهمـر=ذكّرتنــي من تشرّه ثمّ غـــــاب
كود شوقي يدري إنّي في خطر=ويتدارك حـالتـي لــو بالعتــاب
يـوم جيتـه خاضـعٍ ليتــه عــذر=واحدٍ ما اخطى و شفقٍ للحساب
عقبه إعتادت عيونــي للسهــــر=وإشتعل راسي وانا توّي شبــاب
زاد حبي لــه ولـو شفت القهــر=و الوله يكثــر ليـا طال الغيـاب
قلبـيَ الظــامي تفلّـح وانفطـــر=والرجا به إنقطع و الظن خاب
ما يهاب مْن الدعاء وقت السحر=دعــوة المظلوم ما عنها حجـاب
كنّ مــا غيره بهـا الدنيا بشـــر=يوم قلبـي يحتمل كل الصعاب
أدري إنه من صبر نال و ظفر=مارِ خوفي جزْعتي قبل الأياب

الأخ الغالي الشاعر الكبير


سلمت يداك ولافض فوووك


قصيدة جميلة كجمال اطلالتك

ولكن لي وجهة نظر اتمنى ان يتسع صدرك استاذي لها

(غزال ) مذكر

(شفتها) الضمير يعود على مؤنث !!!!!

لماذا لانستبدل (غزال ) بـ (عنود ) ليستقيم المعنى


شاكرا لك تفاعلك

وكل عام وانت بخير