صبـــاحي حلم ..
 

السلام عليكم ورحمة الله وبركاته


صباحكم / نرجس ياحلوين


:


هذي خربوطه كتبتها ونزلتها عشان امورتي وشموعي قالولي نزليها ولا انا ما أتجرأ أنزل وفيه هنا شعراء كويسين خخخخخ



:

:

صبـاح الخيــر والضحكــة ووجــهٍ ممتلــي بالـنـور
............ صبــــاح الحب لا جيت ونثرت الــورد قـدّامــك
صبـاح الورد ياللي يشبـه بريحــه نفـَــسْ محـصـور
............ مابيـن انفــاسـك وقلبـك وجَــو يـحـيــط باقــدامـك
صباحك قبلة حرّى تداعــب هالعيــون الحـــــور
............ فديتــك كلّـك وكلّـك فديتــك واعشـــق انســـامك
انــا لاجــيـت اوصــف حــالتـي ويّــاك مـو مجبــور
............ أصيـغ من الحـروف اللـي يـعبّـر قـوة سهــــامـك
تصـيب الجـوف نظراتـك وهـمســاتك مـداها يغـــور
............ بـأقصـى القـلب وتـكمّـل عليـها بضغطـة ابهـامـك
احس ايدي وسط ايدك مسلسل(بالقفص عصفور)
............ حبستــه إنت فـي شباكك واصبح يعشق احكامـك
احبـــك قبــل لاكلمـة احبـك في شفـــاهـي تبـــور
............ اخــاف ان طــوّلـت في شفـّـتـيني تـضيــع قـدّامك
حيـــاتي كلهـــا جنبـك أشيـد من حــلـومي قصــور
............ واشـــوف اني ملكتك بالحــلم وأصبحت إلهـامـك
تعـبت اكتب تعـبت أشطب تعبت أحلم وأسوّر سور
............ على حرفي على حبّي على أحلامي مع أحلامك
تعـبت ابني تعـبت أهـدِم تعـبت أرجي حـلم مقبـور
............ دفنتـه بالحيــاة وفـوق القــبر نصبت اعـــلامـــك
تعـبت أدور الـفرحــة وأطــالع في زوايـــا الدور
............ اعيـــد شريــط ايـــامي واصيـــح اتذكر ايامـك
كرهـت البعــد والغربة كرهـت الوقت يوم يـمور
............ يبَـعِّـدني عــن عيــــونك ويبْـعِـدني عن هيــــامك
انا في البعــد صرت ألهــب مثل عودٍ وسط تنـور
............ صلتــه النــــار وتحمـــل يبيك تصب به جـامك
انا ماكنت اتخيّـــل كيـــاني من غــــــــلاك يخور
............ولكن خـــار وتهدّم سبب جـــــورك و أحكـــــامك
أنــا مـاكـنت أنا أتمنى أشــوفـك واللـيـــالي تـــدور
............ لأنك حـلم شفتــه في منـامي ينـــاقض احـــلامك

:

وسلامتكم

رد: صبـــاحي حلم ..
 

تعـبت أدور الـفرحــة وأطــالع في زوايـــا الدور
............ واعيـــد شريــط ايـــامي واصيـــح اتذكر ايامـك
كرهـت البعد والغربة و كرهـت الوقت يوم يـمور
............ يبَـعِّـدني عــن عيــــونك ويبْـعِـدني عن هيــــامك
:freak: :freak: :freak:


صح لسانك ملاييين

والله انك شاعره غصب عنهم كلهم<<< وهم وش دخلهم ماحد قال شي :sad3:


وهالبيتين بالذات شي موطبيعي <<<< خانها التعبير :grin:


وترا بتكفخين ان مانزلتي القصيده الثانيه عقب فتررره

والا تراني بسرقها وانزلها انا صص<<< تعرفين هالاختصار ابو عجرا



لبى قليبك ياصقيقتي الشاعره والله اني احبك يوم جبرتي بخاطري ونزلتيها :heart:

رد: صبـــاحي حلم ..
 

اقتباس:

صبـاح الخيــر والضحكــة ووجــهٍ ممتلــي بالـنـور ............ صبــــاح الحب لا جيت ونثرت الــورد قـدّامــك صبـاح الورد ياللي يشبـه بريحــه نفـَــسْ محـصـور ............ مابيـن انفــاسـك وقلبـك وجَــو يـحـيــط باقــدامـك صباحك قبلة حرّى تداعــب هالعيــون الحـــــور ............ فديتــك كلّـك وكلّـك فديتــك واعشـــق انســـامك

مااروعه من صباح
بحق لم اجد في صباحي مايحطم اسوار الصمت سوى هذا الصباح


صباح ليس كأي صباح
فلكل عاشق صباح وهذا صباح يتمناه كل عاشق

ابدعتي الراقية

صباحك شعر وابتسامة رضى


تسعدلي هالصباح يارب


...

رد: صبـــاحي حلم ..
 

اوه السالفه فيها تكفيخ؟؟


ابشري الحين انزلها

:

يسلملي المرور وراعيته

مانحرم منك يارب

رد: صبـــاحي حلم ..
 

يااااهلا والله بالوافي

الا فيه اروع من هالصباح

وهو طلتك هنا

ماننحرم يارب

رد: صبـــاحي حلم ..
 

وعليكم السلام ورحمة الله وبركااته
الله يسعدك رااقية جبرتي بخاطرناا<<وبيني وبينك لو مانزلتيها راح انزها باسمي<<<امزح:laugh3:
قصيدة راائعه جدااا
رهيبة المترادفات الموجوده والصور البيانية والبديعيه وكذلك اختيار اللفظ المناسب الموحي بدلالة المعنى في اسهل صورة
رائع جدا جودة تسلسل الابيات وبنائها وكذلك اختيار موفق لجزالة الالفاظ

تعـبت اكتب تعـبت أشطب تعبت أحلم وأسوّر سور
............ على حرفي على حبّي على أحلامي مع أحلامك
تعـبت ابني تعـبت أهـدِم تعـبت أرجي حـلم مقبـور
............ دفنتـه بالحيــاة وفـوق القــبر نصبت اعـــلامـــك
تعـبت أدور الـفرحــة وأطــالع في زوايـــا الدور
............ واعيـــد شريــط ايـــامي واصيـــح اتذكر ايامـك
رااائعه جداا
تكرار اللفظ الموحي لمعاناة الشاعرة
راائع جداا التشبيه او الاستعارة بتشبيه الحلم بمايوضع في القبر واكتمال الصورة بوضع النصب عليه كناية عن رحيل ذلك الحلم الى النهاية
رااقيه صح لسااانك ملايين ولا تكفيييي
ابداع معهود منك،،الله يسعد حياتك بكل خير يااارب
ننتظر الثانية

رد: صبـــاحي حلم ..
 

رد: صبـــاحي حلم ..
 

حين يعتريك أحساس العذب،كل محاولات البحث عن كلمات تليق بالتعبير إنّما هي محاولات فاشلة...
إن قلت شاعرة فهو قول تقليدي تردده أغلب الناس...
أنتِ أنثى من زمن أخر..راقية قادم من سمرقند....
وربي إن القصيد أسكرني...
كما أنت رائعة هنا....
شكراً...

رد: صبـــاحي حلم ..
 

اووه اووه عادت رقرق وعاد االابداع
يسعدك ربي على هالصباح الحلو وعاد ننتظر المساء :furious3:
مبدعه وستبقين مبدعه
لاحرمنا الله ابداعك

رد: صبـــاحي حلم ..
 

هلابك اختي الراقيه وصح لسانك

اعجبتني القصيده فيها ابداع وترابط

ولكن عندي ملاحظه على بعض الابيات من ناحيت الوزن

ماودي قصيده بذا الابداع يكون فيها كسر

واتمنا تقبلي نقدي بكل صدر رحب

كلمات اكثر من رائعه ولك مستقبل رائع والوزن شي مقدور عليه

اختي الراقيه الى الامام واتمنا لك التوفيق


وتقبلي تحيات اخوك خلف الجابري