بكسر موازين الشعر واعذروني
 

اجهل اوزانه والشعر كيل ميزان 0000وان زادت احروفه ترى الوزن تطفيف
بكسر موازين الشعر والكيل وانسى الشعر والقاف
بجلس افكر وفكر وش افكر به
وش اللي دار من فكره 0غزل 0 هجاء 0 مدح -ماادري وش افكربه
صور تكالبت متماسكه كل صوره تشتكي
تبغى الوضوح تنشد عن المعنى والشموخ
وصور بالماضي ماوده اتحكي
والشيخ (حب ) (وموده ) مرتكي
وكل العواطف بلهجة الافغاني 0تروخ
الله من قلبٍ تباريه الاحزان0 0000زادت اوجاعه ماتفيد السواليف
ونبقى على هاالحال والحال مستوره
الشمس غابت والقمر خف من نوره
واساهر النجمه وعد الافلاك
انا ابتليتك يوم0 وانت (اسنين ) بلواك
قصة محبه والاسرار مغموره
بالذاكره والقلب محفوره
ودايم احب اذكر اسمك وطرياك
مايهمني الماضي يالله عساك مسروره
حبك ابقلبي يالغلى وزن الأطنان 00000انشد عن الحب في سجل المواليف
انشد الوافي عن مدى جور الازمان00000والجابري يكفيك شر التكاليف
اسال وانشد وراجع هواك وتعال
واسلني اجاوب على كل السؤال
وازيدك اجابه مابعدها
تنشد عن الحب ؟؟ماهو احتيال
ولا ينشرى بالجاه و المال
مثل الولد 0 شفت ام ؟؟؟ تشري ولدها
حمل اورضاعه واقفاي واقبال
وسهر وصبر وزود واقلال
وما حد درى عنها ولا نشدها
والحب يبقى لين تربط بالأكفان 00000ولا رحت من دنياك عين خواليف
الحب كلمه ينطقه كل من كان 00000والفرق من هو يرتكي للعواصيف

رح بامان الله حبك يمنع من الصرف
لاصار حبك من عدانه الى جرف
يالله عسى فرقاك يكتب بها خير
فعل الزمان وحتى المكان فعله الظرف
ولولا الجناح الريش مارفرف الطير
هذا الوئام مثل النهر اغترف غرف
اسال اعضائه عن مدى جمة البير
شغل وتعب واشراف لين نور الحرف
حب 0وفاء 0 تضحيه 0مع زود تقدير
==========================
اعتذر للجميع وشلون جت ما ادري 0ولكن يكفي الاحساس وللجميع التحيه
بقلمي
د0 ساري الرياض

رد: بكسر موازين الشعر واعذروني
 

استاذي الكريم د ــ ساري الرياض دام أحساسك وسلم راسك ونعم بك وبساسك
شكراً لك ولكل مايجود به بوحك ويكتبه قلمك ومن شخصك نتعلم ونستلهم العبر والحكم
انت استاذ بارع في علوم الشعروالادب والاوزان سلمت يمينك وبيض الله وجهك مليون ولايسدون
هذا ولشخصك الكريم شكري وتقديري وتقبل مروري

رد: بكسر موازين الشعر واعذروني
 

فتى الجميزه
اشكر لك طيب شعورك وحسن الله من امورك0 لست بشاعر ولكني اطيع شورك 0والاهم من هذا وذاك هو فرحتي بسرورك 0
لانك شاعر0 وشهادتك هي البوادر 0لاشك بوادر جميله0 كأزهار الخميله
سعدت بمرورك الهادي 0واطربت كلماتك فؤادي0 لان شهادتك شئ غير عادي 0
لك مني الف تحيه0 والف زهرة نديه 0نورت متصفحي المتواضع 0وتحياتي اليك 0ورب الكون يحميك0 من كل سؤ يؤذيك
واقبل مني هذا البيت
تسلم فتى الجميزه 0000والخير فيكم ميزه

ياشاعر المعاني 0000عالم شعر وتجيزه
وتحياتي اليك
د0 ساري الرياض

رد: بكسر موازين الشعر واعذروني
 

.

صح الله لسانك على كل الاوزان
...................ابداع ماتصرف عليه التخااريف

فكرك ذهب والحرف يملك له اوطان
...................سااااري تسريها بكل المحااريف

ومهما تواجه بالزمن ضيق واحزان
................عزمك وهقواتك بروس المشااريف

ولا الزمن ماله وثايق ولا اماان
................يومن فرح واليووم الاخر صواديف

والصبر مفتاح الفرج وين ماكان
...............وبطاعة الله ماتضيييق المحاااريف

رد: بكسر موازين الشعر واعذروني
 

رد: بكسر موازين الشعر واعذروني
 

استاذي الكريم د ـ ساري الرياض شكراً لشخصك الكريم على طيب شعورك واطراءك الذي اعتز به كيف لا وهو من د ــ ساري الرياض
و ارجو ان تقبل مني هذين البيتين

اشكرك يا دكتور ساري على الطيب :::::::::: انته عزيز ومن رجالٍ عزيزه
يا القرم يا الصاطي عطيب المضاريب :::::::::: ياكــبـر حـظ اللـي تجيله ركيزه
الله يـديــمــك يــازبــون المــواجــيــب :::::::::: حب الكرم و الطيب فيكم غريزه

رد: بكسر موازين الشعر واعذروني
 

اخي واستاذي الكريم 0خلف الجابري
ما تفقنا على كذا البستني ثوب التشريف بكيل دون تطفيف كم انت بارع ولطيف سعدت بتواجدك الجميل وكلماتك الرقيقه
كا الورد من وسط الحديقه قصيده ما بعدها قصيده فلك الشكر والتقدير وانا منكم استنير اذا خانني التعبير
وجودك شمعه وحديثك متعه
الجابري رمز الوفاء صادق الحرف 0000من نور حرفه غردت كل الاطيار
ويني وينه ياخلف ناعس الطرف 000اتعبت حالي والجسد حول ينهار
ماضي الفعل مع المضارع مع الظرف0000 تشهد على القول ولا تطفي النًار
الف تسلم وتحياتي اليك
د0 ساري الرياض

رد: بكسر موازين الشعر واعذروني
 

اختي الغاليه 0رحيل
هذا يكفيى منك 0ما اجمل المختصر المفيد يغنيك عن كل جديد 0لأنه مطرز بخيوط من ذهب وقوالبه حديد 0
اهلا بك يارحيل وبحرفك ومداخلتك الغاليه فلها وقع المطر بالنفوس
لا شفت اسمك اذكر الجو والوادي 0000 وقت الرحيل وهدت البيت والطير
ترغي الابل حيرانها زود وتنادي 00000والشاه تثغي والعرب ترجي الخير
يجنب لها بالخيل وهز الايادي 00000 والذود يمشي يمة الصوت ويسير
صوره جميله اتمنى ان تتيح لك الايام ان لم تكن رايتها ان تريها وعند خلف الشرح اليقين
وتحياتي اليك
د0 ساري الرياض

رد: بكسر موازين الشعر واعذروني
 

اخي الاستاذ 0فتى الجميزه
ارتكب غرورا مابعده ان ظننت اني اجاريك في ابياتك الجميله وصوراحساسك الرائعه ولكن من باب المحاوله والتسليه
اقول لك
لا ماعليكم زود ولاشك مع ريب 0000لكم السبق بالخيل لا جاء لزيزه
يالذيب الأمعط ماحدٍ يقرب الذيب 0000الموت بعيونه اصول وغريزه
وتحياتي اليك
د0 ساري الرياض

رد: بكسر موازين الشعر واعذروني
 

..............

...

هههههههه

ايــ والله انك كسرت موازين الشعر التقليديه
الله لايكسر لك خاطر

:(

اسلوب جميل ومغاير ولأول مرة اقرأ شعر بهذه الطريقة


اقووول يادكتور
كأنك اضفت بحر جديد للشعر . ودام للشعر بحور راح نضيف له بحر الساري .. اش رأيك ؟


كلمات سهلة وسلسلة وترابط عجيب وغريب وجدته بين كلماتك


الف شكر يادكتور


...