هبت الرويلي (4x4).......
هناك اصدقاء لاتتواصل معهم باستمرار وعندما تحتاج اليهم تجدهم فورا مثل طوق النجاة حولك. وعلى اتم الاستعداد لتقديم اقصى درجات الدعم المادي والمعنوي. هب الهبوب وهب قلبي وهبيت = هـبـت رويـلي انـتـخـى به خـويــه وذكرت لي قرمٍ بعرعر وناديت = ناديت ابومشهور راعي الحـمـيــه تكفى يابن شعلان تكفـى توذيت = ضاق الفضا والارض ضاقت عليه عـزالله انك هـقـوتي لـتهـقـويت = ماخـيب الهـقـوات ذيب السـريــــه شعر/ احمد بن عبدالرحمن العريفي (نديم المجره) *********************** رد الرويلي + رشاش كلاشنكوف عـز الله انك يالعريفي تعـزويت = نارد على شانك بحــور المـنـيـــــــه يفداك قـلبٍ كل ماقـلت حــيـيـت = يـفـز كـنه شـايـفٍ زول خــيــــــــــه حنا شعـالينٍ لنا بالعـرب صيت = من دور صيحة حصة الـوايـلـيـــــه ابشر بعزك يالخوي يوم ناديت = نموت ماضاقـت عـليك الـفـضــيـــه شعر/ فهد الاسمر الشعلان (ابومشهور) |
رد: هبت الرويلي (4x4).......
صـــح لسانك يالعريفي وصـــح لسان أبو مشهور الرويلي
أبيات جميله وجزله ومعبره وهذه عادة الرجال الطيبين وسلمت وغنمت والله يعطيك الصحه والعافيه |
رد: هبت الرويلي (4x4).......
..............
... ابدعتم انت والرويلي اثنينكم مبدعين اممم والرشاش كم عليه ياطويل العمر ؟ :( ... |
رد: هبت الرويلي (4x4).......
صح لسانك يالعريفي مجاراة رائعة ولو ان ابياتها قصيرة |
الساعة الآن 00 : 05 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas