|
موضوع مالقيت له اسم
اي واحد منا يفخر عندما يقوم بانجاز عمل معين
حتى لو كان هذا العمل بسيط جدا لانه يعتقد ان هذا العمل هو نتيجة جهده وتعبه ويحمل طابعا من شخصيته ويكون دليل على موهبته اللتي يتميز بها عن بقية الناس عندما تقوم بانجاز عمل معين وتفاجا انه نسب لغيرك او يطلب منك ان تنسبه لغيرك سواءباجر مادي او معنوي حتى لو كان لاقرب الناس اليك فماذا تكون ردة فعلك :confused: |
مساك الله بالخير.....بنت عنيزه
هلا والله بالغاليه بنت عنيزه
موظوع حساس..جدااا.....لوجود هاذي العينه في المجتمع....التي تشتري مجهود غيرهم الذهني وبالنسبه للوظع الاقتصادي هاذا مشروع....ام للحقوق الفكريه اري انه فيه تحايل وتزييف الحقيقه....واذا طلب مني قريب تلك العميله......لن اقبل....وسوف احقره علي طلبه ذالك لانه يريد مجهود غيره اما اذا طلب مني خدمه....وهي ان اساعده في فكره معينه فله ذالك.....اما ان اعطيه تعبي ومجهودي ونتاج سهري فهاذا محال واذا سرق مجهودي .....سوف اكشفه تسلمين بنت عنيزه علي هاذي المواظيع القيمه |
مرحبا بنت عنيزه...........
:) يعنى سهر الليالى والتعب..كله..يروح..ويصير باسم شخص ثانى.. :mad: ماافكه حتى يرجع لى حقى.... وهذا الى كان ناقص.. موضوع جميل ويحرق الاعصاب.. :rolleyes: |
هلا اختي بنت عنيزة ..
وضعت في هذا الموقف مرات عديدة ... احساسي فيها كان احساس بالقهروالغيظ ..لان فيه ناس تحب انها تحمد بما لم تفعل ....(تحمد بضم التاء) تصور ان ينسب مجهودك الى غيرك وانت تنظر .. وطبعا من زود الادب ..ما تقدر تتكلم ..بس احساس الله لا يكتبه عليكم ....حليط من كل الاحاسيس السيئة .. بنت عنيزة انت جربتيه ... |
هلا بنت عنيزة
يعني افكر واصمم وانجز وابذل مجهود في الخير اعطيه بار مبرد لغيري أبدا ماتصير واذا لاقدر الله والله لايقدر صارت راح أظل ألوم نفسي وأؤنبها لأنها فرطت بمجهودها وفورطت بتعبي تحياتي:) |
السلام عليكم ورحمة الله وبركاته
هلا بنت عنيزه تقصدين ان ينسب ما عملته وانجزته الى غيري في الحاله ما ارضى لكن لو طلب مني مساعده وتنفيذ شئ لاحدى الخوات مثل بحث وغيره والله اسويها ولا يهمني اذا ذكرت اني انا زينته او لا لاني من البدايه وافقت على مساعدتها وليس يبع مجهود... الله لا يحدني على هذا |
هلالالالالالالالالالا والف هلالالالالالالالالالا
بنت عنيزه الحقيقه اشوف اغلب الردود تستنكر وتشجب وتلوم وتتحسر لكن اذا رجعنا للواقع نجد ملايين البشر قد تضطر لبيع فكره او مشروع او كلمات او الحان او قصص او او او او الخ ....... وذلك لظروف يعيشها وقد لاتعيشها انت او تشعر بها ولكنها سنه الحياه ويجب علينا ان نقدر ذلك ابعد الله عنا وعنكم تلك الظروف لان اللي ايديه بالنار ليس .......... |
مرررررحبا بالجميع
ساسا ,ابس, بنت الاصايل,مجدولين, ريوف, نجد الف شكر لكم على المداخله نعم جميعا نشترك بنفس الرأي لن نرضى ان ينسب مجهودنا وتعبنا لاي شخص اخر لكن :confused: مثل ماقالت نجد هذا الشئ موجود فعلا احيانا الحاجه للماده هي من اجبر الكثيرين لبيع مجهودهم للاخرين الحمدلله نحن جميعنا لسنا بحاجه ماديه لكي نضطر لهذا العمل لكن في بعض الاحيان قد تغلب الطيبه على بعضنا كما الاخت بنت الاصايل اختي بنت الاصايل فعلا انا مريت بهالشي صح يمكن يوم امر فيه كنت صغيره بالمتوسط وكان هذا بسبب سذاجتي وطيبتي الزايده كنت نوعا ما من افضل البنات اللي يرسمون بالفصل وحده من البنات اطلبت مني ارسملها وفعلا رسمتلها واجتهدت بالحيل بالرسمه لدرجة ان المعلمه اخذت الرسمه وعلقتها برا الفصل لانها هذي عادتها الرسمات اللي تعجبها تعلقها برا وتسجل عليها اسم الطالبه طبعا اسم مين الي تسجل؟ ومين اللي اخذ الدرجه الكامله؟؟ وبمجهود مين؟؟ تصدقين عاد اكثر وحده حست بالقهر صديقتي انقهرت من غبائي وهاوشتني لين ما استوعبت اللي سويته وصرت كل ما امر اشوف الرسمه عليها اسم البنت انقهر بعدها قلت توبه |
لحظة بنت عنيزة ......
فيه فرق كبير جدا ..... بين ان عملك ينسب ال غيرك و انت راضي و بين انك تكون غير راضي .... يعني اللي يبيعون افكارهم و جهدهم بفلوس ..... يسوون هذا الشئ و هم راضين ... و ان كانت اللي حدته الحاجة .... فالانسان يبيع الغالي لكي يحافظ على الأغلى ..... اما اللي غير راضين .... هذا القهر و الظلم بعينه ... |
اولا السلام عليكم ورحمة الله وبركاته إذا تسمحون لي اقول رأي هذا انسان مادي او رضي بالمال وأنسان ضعيف الشخصية لو قبل بالمعنوي كما ذكرتي يا بنت عنيزة علشان كذا مستحيل اوافق على ذلك الأمر
وشكرا لك على موضوعك الجميل |
| الساعة الآن 34 : 05 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]