مرة كنت قاعد أخذ لي لفة في الجو ودوران يمين يسار والله لين طفشت
عاد اروح اوقع على شجره وأقعد في سلام قاعد أفكر ..
عاد يجيك هالبزر معه(نبيطه) ويصكني في منقاري
الا وتشوفني أنا ذاك الي اتقلب في الهوا خمس قلبات
المهم جازت لي .. واستلم خط(يقالي سامري) الا وانا مدري الا في ..
عـامـود نـور وبغى يطيح!! بس الله ستر
الا واطيح من فوق على (قزازة ويسكي)
وأطلع منها وأنا أرافس ====> يقالي حصان
المهم ..
وأجيك طاير وأنا فارد الجناحين وأطب على أهلي واقول لهم
جــــــاكـــــــم الـــصـقـر
ويمسكني الشايب
ويقول يالداشر جاينا سكران .. انقلع لأشوف وجهك هنا ناوي تدشر اخوانك بعد
ويشوتني ذيك الشوته الله لا يوريكم
واتدربى الين ما استقريت وتطلع ذيك النجوم فوق رأسي ==> متاثر بافلام كرتون
وفي هالفترة تعرفت على أصدقاء سوء (غربان)
المهم ويدلوني على(قليب) وصار مزبن لكل الطيور والخشايش
اي واحد داشر يجي يجلس هنا
أنا سكنت معهم بعد طردة أبوي
المهم انا ما اعجبتني الفكره قلت ياولد مالي الا اروح لم خوالي في افريقيا واجلس عندهم الين يحلها ربي
وبديت أجهز ملابسي .. سروال السنة وسروال الشيعة والفنيلة العلاقي والكرفتيه وأحطها(بخرقة) واربطها بعود
وسافرنا
ووصلنا واستقبلوني على الرحب والسعة بعد ما عطيتهم كم صاروخ
المهم عائلتهم مكونة من (الشايب 80 .. والعجوز 75 سنة .. وبنتهم( على المقاس)
وما عندك أحد
وبدينا نحتك المهم مع الأيام حسيت بشعور غريب ..
قلبي صار يقرقع
وجلست أيام أعاني .. الين قررت أطلع الي بقلبي
واجهز الوضع واعزمها على طبق(دود مشوي)
وفضفضت الي بقلبي .. وما أدري الا وذيك التفلة جايه طايره على شعري بس ..
تفلتها على شعري كأنها جل
المهم خذت موقف وزعلت وطقيت رأسي الجدار وانفلق ..
وتركت خوالي .. بعد الي صار .. وفكرت اني ارجع لاهلي واطلب منهم السموحة ..
وبالفعل .. رجعت .. لكن قبل ما ادخل العشة .. الا بزر ينتفني بالنبيطة
والحين انا بالعناية المركزة .. ودعواتكم يا أخوان