رقصة (1)
======
خلني القط نفس .............اظهر الحرف انحبس
واشربك آه وألم .............. خلني حلقي يبس
آه ياوجه الرماد ..............كم غمر شكلك بلاد
وانت تتظاهر هدوء ............ وانت تتأجج قبس
انت في عينك علم .........وانت في عيني حلم
وانت في الواقع الم ........ ....ذابح قلبي وبس
=========================
رقصة (2)
======
كا مافكيت كتاب .............. ودرت مابين العدد
مالقيت الا فراغ ...............مالجلد حتى الجلد
لانصوص ولامعاني .................لاحروف ولانقط
بس مجموعة اواني ............والمراية والمشط
=========================
رقصة (3)
======
كان ممكن
اعشقك موطن
افترش فيه التراب
اتلحف بالسحاب
واحتمل كل المآسي
واركظ اركظ
واتجه خلف السراب
كان ممكن اجعل اسمك
موطن اسمي
رغم اسرار الركاكة
في حروفك
كان ممكن
كان ممكن انزف اعذاري
على اخطائك شفافه
واكتسح كل الحواجز
واختصر كل المسافه
كان ممكن
اعبر انهار انصرافك
بسفن حبي وصبري
وامد جسوري حلمي
بس عييتي تديني
اي فرصه لكن
بس يالله
خيرها في غيرها
==========

رقصة (4)
=====
اصدقك اصدق احساسي ....... كذا كذا تاجي علىراسي
اخاف لاتزعل وتتضايق .......لوقلت احبك مووووت ياقاسي
===============================

رقصة (5)
=====
آه كلها الرحلة عناء
كلها الرحله تعب
كل ماحاولت
احبك باشتياق
يتضح لي
مومهم اني احب
========

رقصة (6)
=====
اسمعيني
اقعدي نشرب
كؤؤس المر
في اطرف مكان
بس حنا اربعه
المكان
الوقت
انا
انتي
وكان
====

رقصة (7)
====
كيف مات
ياخساره كيف مات
وش عملت
عشان يعيش
جبت له كل الحياة
وعااااااش
وبس ضميته بحنية
ومات
======

رقصة (8)
=====
آه يمه
وش يهمه
كل ماحاولت اضمه
قال لي وخر هناك
للحديث باقي تتمه
==========
رقصة (9)
قالت عارف
قلت ايوه كيف عارف
قالت لي ابغي الحقيقه
قلت صعبه
قالت خايف
قالت مجرد سوالف
قلت هه
هاذي الحقيقه
مره مره وانا اسف
قالت تدري
طاح وجهك
شل وجهك وانت واقف
============

رقصة (10)
======
الجراءة والصراحة
خلاص قلتم واستمعنا
وافترقنا ما اجتمعنا
والصراحه
ماعد للاصوات قيمه
ماعد للاشكال معنى
حتى الاخشاب
قامت تعرض نفسها
للبيع معنا
والجراءة والصراحة
غادرت كل المواقع
راحت تبحث عن مكان
وسافرت من مجتمعنا
===========
رقصات الم بحريه اتمنى
تنال اعجابكم
تحيه للجميع