في عيون الرقصات
خلني القط نفس
خلني القط نفس.......... وانسرب ليلي غلس
واسرق سهيل اليماني.......... مايشوفوه الدبس
انت في عينك حلم.......... وانا في عيني عسس
وانت مذبوح الفواد ............ وانا قلبي منتكس
وانت ماهمك ولاحد.......... عاشق نفسك وبس
===========================
كل مافكيت كتاب
شفت فيه ابليس ورد
مالقيت الا الكذاب
والمشاكل والنقد
انت فاهمني صحيح
والا فاهمني شطط
انت نكبة في حياتي
وانت لي اكبر غلط
=============
غير ممكن
اعشق عيونك
وطن
غير ممكن
تسكن بصدري
شجن
انت تدري
ان عيني صايرة
كهف السهاد
وانا ادري ان صدرك
صار تلة من رماد
وانت تدري اني
لا اصلح حبيبك
لن عينك زايغة
لما اغيب
وانا ياغدار
ماحب العفن
================

ارحل ارحل قبل لا احطك براسي
انت تدري اني من همك اقاسي
وانت تدري ملي بك اي حاجة
وانت تدري انك ماتسوى......
===============

كلها الرحلة لعانة
كلها الرحلة كذب
مومهم اني لقيتك
المهم انسى التعب
===============
اسمعيني

ارحلي من نون عيني
واسكني في نون عينه
انت كذابة لعينة
تسالي عالحب
يووووووووووووووه
وينك ووينه
==================
كيف مات
جيت له يوم كان
ضايع ثم لملمت الشتات
قلت حنا اولاد بكرة
والذي قد فات فات
يوم بانت لي الحقيقة
قمت ودفنت الرفات
==============
ااااااااااه يمه
شلت همه
قلت بادفيه بحظني
يوم قرصني
ذقت سمه
===========
قالت لي
ابغي الحقيقة
قلت ماعندي
حقيقة
الاواحدة
كل واحد
ربنا يسهل
طريقة
=================
الجراءة مشكلة
والصراحة مشكلة
وانا مادنيت راسي
فوق اكتافي احمله
يمنع الله من دنوه
ويحمي الله كاهله
صرت انا مثل الجمل
لويحمل بالسواري
ان برك تصك راسه
وان وقف تدمغ براسه
كلها هذا وهذا مشكلة


__________________