مالي مبات ْ..
مالي مباتْ
وجهك الليله..
يلاحقني ..
بطاري الهم..
والآهات
وعيونك..
تناظرني بسكات ْ
بأسود من الليل حالك
سد في وجهي المسالك
وانتي اصعب من منالك
وين أهرب من خيالك..
وين ياست البناتْ؟
صورتك..
عطرك..
سواليفك..
جدايل شعرك المنثور..
في كل الجهات ْ؟
طيفك الواقف ..ببابي
لادنا المسرا..سرى بي
بات يقرا..في كتابي
ماتيسر من عذابي
من أنيني..
من حنيني..
من سنيني الضايعه مني
على درب الشتاتْ
ودي أوصل لك وعاجز..ماني قادر أوصلك
كيف أتخطى الحواجز؟..جاوبيني؟ أسألك..!
حبك إستنزف شعوري
وأقتلعني من جذوري
وغير قلبي اللي يحبك..
للأسف مــاأمتلك
ومن يقول الحب مات
والهوى اللي بيننا ..
انتي وانا ..
اصبح رفــات
اومجرد ذكريات
من يقول الحب مات؟