بهذه العودة يسعدني أن أشارككم بهذه المشاركة البسيطة ويشهد الله انني فرغت منها لتوي فاحببت أن تكون أعينكم اول ما تقع عليها .. خصصتكم بها دون غيركم لتكون هديتي التي اقدمها لكم بعد غياب ..

أهديها لغيداء الرياض التي أخرست قلمي ... إلى تلك التي حاورتني ذات مساء ..... ابحرت بنا بين النجمات نتسابق هناك حيث السكون الذي تنشده قلوب أظناها المسير ....

غيداء الرياض لها مني هذه التحية التي تجيبها على سؤالـــٍها :

[poet font="Arial,14,indigo,bold ,italic" bkcolor="burlywood" bkimage="" border="outset,10,silver" type=3 line=200% align=right use=ex char="" num="0,skyblue"]
ماجاء على بالي تقولين كلمتك=لين إنها هزت خفوقي من أقصاه
ماكنت أصدق لين سددت رميتك=جابت هدفها والسهم صاب مرماه
وأهتز عرش القلب من قو حربتك=ماكنت أحسب تهز عرشٍ حرسناه
كنت أتجاهل لا تبسمت بسمتك=وإن قلت لي كلمة تجاهلت معناه
ماكنت أعرفك زين! من وين وجهتك؟=كنت أعتبرك إنسان مر ونسيناه
لين لاح لي برق مناشيه غرتك=يروي عطش من جاه غيرك ولا أرواه
يطلب ثرى دارٍ تباشر بديمتك=يوم الدهر جهز لها من مطاياه
قال ارتوي يادار من هي تمنتك=خلي عنود الصيد ترعى حيا ماه
جيتك على خيل تسابق لنجدتك=يوم الدهر شانت عليكم نواياه
يادار أنا لعيونها رهن إشارتك=اطلب وتلقى كل خيرٍ تمناه
هذي خيولي كلها تحت رايتك=وسيفك إليامنك تعزويت تلقاه
قلت العفو يا برق ديمة سحابتك=فضلك غمرنا قل لنا كيف نجزاه
خجلتني يابرق وهذي سجيتك=ياليتنا نقدر ونجزل عطاياه
ويابرق قل للي على الدار وصتك=لامانسيناها ولا راح ننساه
قل له نقش في داخل القلب صورتك=واسمك عروق الدم فيها نقشناه
وتبقين له سطر كتب فيه قصتك=وتبقين له قصر سكن في سراياه
وتبقين له مبدا نهل من عذوبتك=وتبقين له عنوان شعره وذكراه
ويابرق قل لشوق ياطول غربتك=ويابعدها ديرة على ما هقيناه
وأنا غريب كنت في يوم مُنيتك=ومن دونكم ياشوق حالن مطاياه
إنسى هوى من كان في يوم رغبتك=من بيننا حبل الوصل تلفت رشاه
ولو كان في يدي تمنيت قربتك=بس إن يمنعني مقادير دنياه
برحل مثل ماجيت يمك لديرتك=برحل غريب الدار مر وتعداه
رسالتي ياشوق مع برقكم جتك=تحمل سلام اللي على الطيب ممشاه
وخل الزمان يفوح من عطر سيرتك=وخله يردد شعرنا اللي نضمناه
والكلمة اللي هزت القلب كلمتك=جابت هدفها والسهم صاب مرماه
[/poet]


وفي الختام أتمنى ان تنال إعجابكم ..

أخوكم / نديم الماضي