[poet font="Simplified Arabic,14,crimson,normal,normal" bkcolor="black" bkimage="" border="double,4,gray" type=0 line=200% align=center use=sp char="" num="0,black"]
البارحه يوم الخلايق خـواشيع..

في نومهـا..وانـا علـى الكـوع واعـي

هـمٍ..يمزع سترة الجـوف تمزيـع..

<تقول ينهش ثومة القلب أفـاعي..>

خذت..القلم من بين روس الأصابيع..

حبيت..أميز سيرتي وانطباعي

عزلت..من صـدقـان <عطلة الأسابيع>

وعزلت..من ضحك الوجيـه الصنـاعي..

وعزلت..من زرِع الخليّ البلاقيـع‍‍!

وعزلت ..من رفـع الثنيـه ربـاعي

ومن ..نفعة اللي ماطلبني منـافيـع..

جميلـةٍ..من غير أهلهـا ضيـاعــي..

في..سوقها لاعـاد..لا..أشري ولا..ابيـع..

<..لا..خطيت من رفق؟ـة طويــل الذراعـي..>

اللي..على الرفقه تسـوقـه دوافيــع..

هـذاك..تشري خـوتـه مــاتبــــــاعــي..

إمـا..يشجعني على الطيب..تشجيــع..

والا..يعلّمنــــــــي..حميد المسـاعي
[/poet]

88888888888
هلا..والله بالسيــــــــــف..
-----

اختيـار راقـــــي....مو مستغـرب على ذائقتك الراقيـه ياراااااقي..

شكــراً لك..


احترامي وتقديري