السلام عليكم ورحمة الله وبركاته

وأنا أول مرة أشارك في منتدي الألغاز وهذا اللغز

سمعت هذا اللغز من واحد من الشباب .. ولليوم ما عرفت الجواب ..
وأتمنى يطلع منكم واحد يعرف الجواب وريحني , شهر ونص وللحين في بالي ..!
- ثلاثة اتفقوا إنهم يشترون مسجل , والمسجل هذا سعره 30 ريال , فكل واحد منهم دفع 10 ريالات علشان يتساوون , لكن رجعوا اليوم الثاني للمحل وشافوا ان المحل عنده تنزيلات و سعر المسجل هو 25 ريال ما هو 30 , فكلموا صاحب المحل وقالوا له أنهم اشتروه بسعر 30 بدل 25 , فقال لهم صاحب المحل , خلاص .. أنا بكلم المحاسب علشان يرد لكم الخمس ريالات اللي بعد الخصم ..
راحوا للمحاسب وعطاهم الـ 5 ريالات , اللي هي المفروض ترجع لهم ( 30 ريال - 25 ريال = 5 ريالات) , فخذوا منها 3 ريالات وعطوا الباقي للمحاسب ( ريالين بخشيش ) , فصار كل واحد منهم دافع 9 ريالات ..! لان كل واحد كان دافع 10 ريالات , وبعدين كل واحد اخذ ريال من المحاسب ( 10ريالات - 9 ريالات = ريال ) . لكن شوفوا العجب هنا , 9 ريالات للشخص الاول + 9 ريالات للشخص الثاني + 9 ريالات للشخص الثالث = 27 ريال
وزيدوا عليهم الريالين اللي دفعوهم بخشيش للمحاسب ( 27 ريال + 2 ريال = 29 ريال ) .يعني صار المجموع 29 ريال , بدل ما يصير 30 ريال , ممكن تقولون لي وين راح هالريال ..؟!!!!!!

منقول
وأنا ما عرفت الحل إذا كان واحد يعرف الحل يعلمني