لقد وصلتني هذه القصيده عبر البريد ولا اعرف قائلها واحببت المشاركه بها اتمنا ان تحوز على ذوقكم

[poet font="Simplified Arabic,14,black,normal,normal" bkcolor="" bkimage="http://www.mahroom.net//backgrounds/7.gif" border="double,4,gray" type=0 line=200% align=center use=sp char="" num="0,black"]

نسيتي المزح بالقبه=ونسيتي لعبنا الطبة
نسيتي كشختي دايم=بثوب دوبلين خـبة
نسيتي غترة الململ=تغطيني تقل جبة
نسيتي الركض بالطاية=لاصار بدارنا شبة
لاجابوا فضلة القرصان=نتسابق ودنا نلبه
نسيتي إزعاجنا لمك=وهي بالحوش منكبة
نسيتي معلف ام العوف=تظفينه وانا اكبه
نسيتي ثوبك الترتر=وغيظك لأنقطع حبه
نسيتي بسطة عزيز=ايلاجاء العصر بالقبه
نسيتي خرطه الماصل=يجيب الحكي من عبه
نسيتي القربة الشنه=وماها البارد نقبه
نسيتي قولك معصقل= وانا اعيرك يالدبه
نسيتي نعالنا التليك=هي الموتر ونلعب به
نسيتي موعد الحنا=ايلا جاء صابكن خبه
نسيتي طيحتك بالليل=وهي ظلماء وانا السبه
نسيتي اكلنا الهبود=نتناقر والسبب حبه
وامك لاتهاوشنا=وتحط بعيوننا شبه
نسيتي ثوبك الكرته=ننكت فية ونشبه
نسيتي كحة المذن=قبل يذن يبي ينبه
نسيتي تريكنا المصنق=نغسلة قبل ما نشبه
وندعى ربنا يكود العنز=تجيب وليد نلعب به
نسيتي كيف اوصف لك=زمان يعلمه ربه
حلو رغم الفقر بالحيل=زمان راح ونحبه
نسيتي ليه ما ادري=دخلتي الوقت من جبه
لك الفديو لك التلفاز=لك المكياج ما احبه
لك الدنيا بزخارفها=وعطيني حظار مع قربه
ومعهن مسفع بالي=وثوب اللس والطبه


[/poet]