احسن شي يسويه انه ياخذ زوجته ويكلمها بهدوء بدون تدخل من احد ويبين لها شنو اهو يبي منها وشنو اللي يبيها تراعيه خلال عشرتها معاه وبنفس الوقت يسمع شنو هي تتوقع منه وشنو اللي تبيه من زوجها ويتفقون فيما بينهم ويعلمها انها لازم تبعد عنها تدخل الوالدين وانه يبي حياتهم تكون خاصه فيهم دون تدخل من اي طرف ويسمعها شتقول ..اذا كانت عاقله وتبي تحافظ على زوجها راح ترضى وتتنازل وتوافق على طلباته او اغلب طلباته على الاقل ..

ونفس الوقت الزوج لازم يتناز ل ويتهاون ببعض الامور اللي فيها مجال للتهاون كاللبس وغيره اذا هي متغطيه مايهمك لبسها لما تروح للناس مع قعدة حريم مثا ؟؟!! ويعرف انه لها عليه حقوق مثل ما هو له عليها ..

انت عليك انها ما تطلع من البيت الى كلها اسود ما يبين منها شي خلاص ماعليك من اللي تلبسه تحت العباة (( طبعا في حدود الادب والشرع )) ..


باختصار لازم ما يعاند ويصر على بعض الامور وانما لازم يكون مرن ويحط بباله دائما ان (( المراه خلقت من ضلع اعوج )) فاذا شد معاها راح تنكسر وبالتالي هو الخسران وراح يعيش مشاكل مالها تالي .. ولا زم يحط في باله عدل ان بينهم طفل ..فلازم يهيء له جو منزل مناسب للتربيه عشان ما يتعقد بعدين ..

الخلاصه ..يقعدون مع بعض يتحاورون حول وجهات نظرهم وتوقاعتم تجاه كل واحد فيهم وينسقون حياتهم ويحطون لهم نمط معين يعيشون خلاله ويحددون مسؤلياتهم ..((( دون تدخل احد )) ..والله يوفقهم ..

اسفه على الاطاله ..