19 / 06 / 2001, 55 : 08 PM
|
#17
|
سفير  الوئام
|
|
|
+
رقم العضوية »
5
|
|
+
تاريخ التسجيل
»
17 / 04 / 2001
|
|
+
الجنسْ
»
|
|
+
الإقآمـہ
»
|
|
+
مَجموع المشَارگات »
644 |
|
+
معَدل التقييمْ »
10 |
شكراً: 0
تم شكره 0 مرة في 0 مشاركة
|
مساؤكم سعيد ..
هلا فيك القلم الحر 
أشكرك على ذكر اسم صاحب هذه التنهيدة
....
صرخة مدوية تلك التي أطلقها شاعرنا الكبير أحمد
تعبت أنزف جراحي حبر
وأدور للألم أسباب
والله يسلمك يااااارب
مشكور كثير
....
راح نغير مسار الموضوع نسبيا بهذي القصيدة
** ** ** ** ** ** ** ** ** **
اسأل الأعمى
إن كان في نومه يشوف ..
ليه يصحى ؟!
واسأل اللي مادرت عنه الهموم
إللي درى
إن العمر محدود
وإن الفرح مهما اختفى موجود
اسأله ليه ينوم
وإن جاوبوك ..
اسألني ليه حنا افترقنا ؟!
ياصحابي مابه سبب لفراقنا
غير إننا جينا في زمن ماهو زمنا
ياصاحبي مابه سبب لفراقنا
غير إننا في حبنا عشنا الصدق
وفي وقتنا وشهو الصدق ؟!
في وقتنا لاجل اللقا تكذب
ولاجل تاصل ماتبي تكذب !
ياصاحبي خذها من جرحي نصيحة
كانك تبي تاصل
اكذب ..
اكذب ..
اكذب ... !
الصدق في وقتنا أصبح فضيحة !
في وقتنا دايم تهيم في شي ماتعرف مداه
دايم تهيم في اللي بعد عن سكتك
واللي زهد في محبتك
واللي في يدك
ومتحمل جروحك معك ..
مايهمك ..
تنساه ...!
ولو تقتله مايؤلمك
وبقدامك تاطا على دماه !
ياصاحبي وقتنا في أوله ضيعنا أولى القبلتين
وفي آخره الله أعلم وش بيبقى
في وقتنا صار الغدر شي عظيم
والوفا ماظتني إن كان بتدور بتلقى
ياصاحبي في وقتنا ..
أطول مسافة ممكنة تمشيها بين النقطتين..
الخط المستقيم !
ياصاحبي في وقتنا .. وقت الألم
من يسمعك مهما حكيت ؟!
من ينصفك مهما شكيت ؟!
من هو اللي مايضحك إذا ذلتك دنياك ..
وبكيت؟!
ياصاحبي في وقتنا ماللمشاعر ناس
ياصاحبي في وقتنا لبعض القلوب احساس
ياصاحبي في وقتنا وقت الكلام ..
وقل الفعل
لا مات أحد وانتقل لأعلى رفيق ..
من طيبنا نحزن عليه ..
نصلي عليه
ناصل معاه للمقبرة
وفي المقبرة غير الدعا
وقولة الله يرحمه ..
مابه كلام
وندفنه ..
ولا دفناه نبكي
بدون دموع أو بدموع
المهم بعد مانبكي
نتركه ونروح
وتلقانا نقول ..
مسكين يافلان مسكين
من دنيتك وش اللي خذيت ؟!
وبعد باب المقبرة بشبرين
وأقل من الدقيقة
لامن دخل فينا الزحام
من طيبنا نضحك
ونسمع أغنية
لجل نتسلى بالطريق بين المقبرة والبيت!
ياربي سبحانك ..
ياللي تجير من العذاب ..
قلوبنا وش صابها ؟!
ياربي سبحانك
يامن تجير من العذاب ..
في وقتنا غدا بين الحياة والموت
وبين البكا والضحك
شبرين ودقيقة وباب !
ويديننا اللي قد حثت في وجه ميتنا التراب
هي نفسها اللي بعد شبرين وأقل من الدقيقة
اختارت شريط وحطته
لاجل تقتل طول المسافة بين المقبرة والبيت
ياصاحبي في وقتنا..
صار الأموات أحسن كثير من بعضنا
في المقبرة على الأقل ميت وندري
المشكلة إننا متنا وإلى هالحين ماندري
ياصاحبي في وقتنا ضاع احترام الموت
في وقتنا حكينا ماأكثرة
وللأسف كل الحكي من غير صوت
وإن كان به فم صدق
وسمحوا يحكي بصوت
مانسمعه
ياصاحبي قدامنا كان اختيارين
يانجاري وقتنا
ونكذب ونخدع نفسنا
يانفترق
ولأن الفراق في وقتنا هو الصدق
افترقنا ...
ياصاحبي كانك تشك
في صدق أسباب الفراق
دور لك أعمى
وإلى صحى اسأله
إن كان في نومه يشوف
ليه صحى ؟!
وليه افترقنا ؟!!
*********************** عبدالرحمن بن مساعد ***
وهنا بصوته
وسلامتكم
|
|
|
ضاجة كطبل
وأعماقي خرساء كموجات الأعماق
" غادة السمان "
|
|
|
|