من يبيع الملابس الداخليه للنساء ؟؟


بسم الله .. نكتب بالعامي احسن و أريح لي ..

المهم .. الحين من جد الي اشوفه ان الي يبيع الملابس الداخليه للنساء هم رجال
و رجال يعجبونك بعدهم في مقتبل العمر .. الحين لا يزعلون الشباب و يحدوني ..
ترى انا مو عجوز .. كح كح .. توني حتى انا في مقتبل العمر و اعجبكم ..
المهم .. شباب هم الي يبيعونها . لا و في بعض الاحيان يكون من الاجانب
و هذي المصيبه ..


المفروض و الي اقترحه اني الي يبيع تلك الملابس هم من نفس بني الجنس
يعني بنات .. ليه ..

و الله انا اشوفها صعبه .. على البنت الي تمتاز يا ربي عليهم البنات .. تمتاز بالخجل الممزوج بالمغامره .. ما ادري كيف لا تسألوني ..

المهم .. اشوفها صعبه بنت تقول للرجال بالله وين مكان الستيانات ..
و ين مكان ؟؟؟؟... يعني كلمات محظوره اقولها في المنتدى المراقبين ما يشرعونها ..
و الا محلاها و هي ماسكه الاشياء و رايحه تحاسب الشخص ..

طيب .. في واحد يقول و الله كذا بيصير حتى محلات الذهب و شوي محلات السوق كلها ..

و انا اقول لا ..

لأن محلات الذهب الرجل قد يدخلها من غير المرأه يمكن يبي يشتري هديه لحبيبته .. خاصه الذهب الابيض بنات اليوم طايحات عليه ..

لكن ما شفت رجل بيدخل محل ملابس داخليه نسائيه عشان يينتقى لها و الا عشان
يقولها و يش الافضل .. طبها أي رجل منا وده يمتع ناظريه بالملابس الداخليه ..
لكن المرأه ابخص بالي يناسبها .. و اذا يبي لون مسبق يا اخي يحدد قبل لا ينزلها السوق ..

طيب تقولون في محلات و اسواق نسائيه خاصه و انا اقول صح .. لكن مو بالكم الكثير ..

يعني في الشرقيه ما اخبر الا واحد و بعد فيه بالجنوب واحد ..

و بيطلع و احد .. و الله صعب كيف نحولها نسائيه اقول ما يحتاج .. اللهم ستاير
تغطي المحل .. و الي داخله حريم .. و ممنوع دخول الرجال .. و لا يتغير مكانها
او يكون هناك مكان خاص للمحلات هذي ...

و بعدين كذا نخلق فرص عمل نسائيه في بيئه جيده و مشروعه دينيا ً..
و يا شباب المعذره اذا كنت سبب في قطع ارزاق .. و الارزاق بيد الله ..
و اذا كنا سبب في قطع ارزاق الشباب .. فتحنا للبنات باب .. بس يدعون لي ..
اكرر .. يدعون لي مو علي .


و كلكم ذوق