اثناء تجولي باحد المنتديات وجدت قصيده لاحد الاخوان يمدح فيها بنات احدى الدول المجاوره و يقول انهن تعلن على بنات الجنوب و الشرق و الغرب و بنات نجد و من هذه المعاني...و انها بعينه اجمل من بنات السعوديه كلها و انها..و انها ... و انها........الخ ............مدح اجوف ماله طعم و لا ريحه
و لقيت كل الردود تقول له صح لسانك,,ابداع,,,فن,,,احاسيس جميله ,,,كلمات جذابه,,,انت صاحب ذوق رفيع.........ههههه,,,,و من هالمعاني و الجميع مؤيد...الا انا اخذتني الغيره على بنات ديرتنا البنات اللي نعرف اخلاقهن و تربيتهن و ادبهن و في نظري انهن فوق بنات الكون اجمع و الفرق اللي بينهن و بين بنات الكون يصعب على غيرهن تخطيه
المهم الرجال اكثر بمدح بنات الديره ذي حتى ضيق صدري و دبل كبدي حسب ما نقول بالعاميه.... دخلت انا و قلت له قصيدتك ممتازه من حيث التركيب و الوزن و اختيار الكلمات بس انها ترفع الضغط في معانيها......و ارتجلت له هالابيات


انا اشهد انك ميت القلب عامي....في حب منهي جتك تنفض مخابيك
و الحر مثلك يا سليل القطامي....صيده من الجزلات تظفر به يديك
اوصيك انا ببنت الرجال الكرامي....ترفع بها راسك تكرم عوانيك
يجي ولدها ساطين ما يضـــــامي....رجال تفخر به يعمر مبانيك
و من صغر عوده بالمراجل يزامي...و ما عمر شيهانه يجي فرخها ديك
وبنت الردي لنسلها ما يقامي.....يضعف عزومك ثم يخلف هقاويك
فرخ الدجاج اكبر همومه ينامي.....و الا العقاب الصيرمي عز يشفيك
لا اخطيت بنت العز تدرك ندامي.....وبينكشف لك ستر حمرا المماليك



و بعدها الرجال رد على الكلمات هذي بكلمات ماصخه على نفس الوزن و القافيه و لا ابي انشرهن لانه من حقه هو نشرهن بس ..المهم فهمت منها انه يبي يقول انك صاحب نظره قريبه و دونيه و انك تبي تفرق العرب و ان اللي حولك فيهم ناس سيئين كثير و لا تمدحهم باكثر من حقهم فيهم الحرامي و المجرم و بنفس الوقت يبي يفهمني اني خبل و اني متسلح لساني بغباء..و اني ما عندي سالفه و لو اني شفت اللي هو شاف كان عذرته .......و انا رحت للديره اللي هو مدح بناتها و بصراحه ما شفت فيها غير كتل من الشحم المتجمد بدون نكهه و بدون الوان مع اعتذاري للجميع و لكن الموضوع اثارني و استفزني و ابي من الجميع يعذرني على هالافاظ...المهم اقصد اني ما شفت شيء يلفت الانتباه الا شيء واحد.....الجميع هناك نساء و رجال يحاولون يبتزون اللي في جيب الغريب باي وسيله كانت هههههه و انا حاولت اني اوصل لاخينا بالله هالمعنى بس لقيته مطفي النور وراهن
خلاصة كلامه ان بنات الديره ذي فوق البنات مهما يكون....و من هالمعاني
و بعدها حاول يلبس الموضوع بلباس ديني و انه لافرق بين عربي و عجمي و انه اذا اتاك من ترضى دينه و خلقه زوجه و انه من الجاهليه اذا تكلم الانسان و فخر باصله و ان الديره اللي هو يمدح من صميم العرب و انه و انه و انه..الخ... وهي كلمات حق اريد بها باطل....ووجد هو من الناس من يتبع كلامه و يقولون لي اني ابي اعيدهم لعصر الجاهليه..قلت له يا رجل الناس يروحون يتزوجون من ديرتك اللي انت تمدح بناتها عن طريق سماسره و دلالين و مكاتب بيع و شراء الاوادم و هذا يكفيك انك تتركهم بحالهم و تمشي بحالك و ما لك الا اهلك بالتالي ...المهم ما فيه فايده الرجال مقزز........ وجهت له سؤالين الاول قلت له لو انا و انت و بقيت الشباب اللي مثلنا اخذنا من الديره اللي انت تمدح من بياخذ اختي و اختك؟؟؟ و السؤال الثاني... قلت له من الجهه المقابله..لو خطب اختك واحد هندي او باكستاني او من الجنسيات اللي انت تمدح و هو مسلم و كفو و رجل كامل الرجوله ..........بتزوجه؟؟؟و اذا زوجته وش بتكون دوافعك و كذلك وش دوافعك لرفضه.؟؟؟؟ بالنسبه السؤال الاول ما لقيت له اجابه عنده..و السؤال الثاني قال لي اي نعم بزوجه اذا هو كفو و جاب الحديث التالي كدليل (( اذا اتاك من ترضى دينه و خلقه فزوجه)) و الحديث ما جاب سيره لجنسيته...يعني خلاصة القول انه ما عنده مانع يزوج اخته او بنته لهندي او اندونيسي او فلبيني .....و اني انا برجعهم لعصر الجاهليه و نحن في عصر الانترنت............... و انا اروح للمغسله و امسك بيدي الصابون و الديتول وافتح البزبوز اغسل يديني من الرجال لاني عرفت ان الرجال منتهي و الحمرا اللي هو يحب قلبت تفكيره و كيانه و ما هذا قصده و جاب الدليل هذا يبي يطلعني غلطان باي طريقه و لا عنده موضوعيه بنقاشه و عرفت انه يبي يجمع مؤيدين و بس و ذلك بادخالنا بالموضوع من الناحيه الشرعيه لانه احد امرين يا انه يكذب علي و على نفسه و على السامعين....او انه يبي يكابر و يبرر موقفه و بس.....على كل الاحوال كيفه بتفكيره و من حقي انا اعارض اي فكره ما تعجبني
المهم انا ما حبيت اطولها و نزلت الابيات اللي بقولها الحين بنفس المنتدى و كنت اعاند فيها كلماته و كانت تحت عنوان......اوصـــــاف معشـــوقتي


ابي لي مهرتن صفرا توسع خاطري لا ضاق0000تسر العين شوفتها عريبن جدها و خالي
ابا اعسفها على كيفي اروضها على الاخلاق0000طبوعه حيل تعجبني تطيع لعسف خيالي
ترا مثله تكون بعز و ما جلبت على الاسواق0000و لا قد قيل عن مهره اصيله عند دلالي
و انا شفي من الخفرات شبية مهرتي باعماق0000عميقن اصلها بتعب ادورها انا لحـــــالي
جنيه من الذهب اصله سليلة عرب من اعراق0000اصيله في معامقها ابدفع باصلها الغالي
الا منه مشت تشبه عنودن مشيها مــــــــواق0000و الا مني لفيت البيت اشوف بها الحلا الحالي
ابي في زينها اسبح و من حسـنه اذوق اذواق0000شمالية حشا و اوصاف تربت بالعلا العالي
الا منه حكت تفرح ضميري و تسعد الخـفاق0000عفيفه في مناطقها بصوتن جر موالي
صباحن وجهها شمسن تجلي الليل بالاشـراق0000مثل بدر الدجى خده بشوفه همي يزالي
ابي لا غبت عن شوفه يردن غالي الاشــواق0000و ابي لا صرت في جنبه خفوقي بطيبها سالي
انا دجت الوطا امشي من المغرب الى المشراق0000عجزت القا مثل وصفي بها او ذكر ينقالي
سوى في ديرتي يا ناس بناتن تسعد العشاق0000باوصافه تسر العين وزين اخلاق متعالي



و وقفت انا الى هالحد
و سلامتكم
ابيكم تقولون لي هل انا غلطت عليه؟؟علما بانه وضع بنت ديرته اللي يمدح فوق مستوى البنت السعوديه و لا فيه مقارنه بينهن و قسم البنات السعوديات حسب المناطق و انهن كلهن اقل من بنات الديره اللي هو يمدح....و ان الناس سالوه عن معشوقته و عرضو عليه كل البنات قالو له هي من الشرق او من الجنوب او من الغرب و هو يقول لا و لا و لا و لا و المقصود مناطق المملكه و بعد صمت طويل فجر القنبله و قال ان معشوقته من الديره الفلانيه ههههههههههه
و حاول يفهمني ان اصل العروبه كله بديرتهم وان العرب مصدرهم من هناك و انه فيه عرب عاربه و مستعربه و و و و و و و و كلام كثير كله خرطي....المهم خش علينا واحد عرض و قال انت غلطان يقصدني انا و يقول له ابدعت في وصفهن و انك فنان و انا اضم صوتي لصوتك....قلت بقلبي ما علي منكم.....انا لي فكره لو اجتمع اهل الارض كلهم قدامي ما غيرتها و لن اغيرها و لن اتنازل عنها و هي((((السعوديات احسن بنات الارض في الوقت الحاضر,,و انه لا يمكن اقتنع بزواج السعودي من اجنبيه و لا بزواج السعوديه من اجنبي الا في حدود انه يكون الاجنبي هذا من الخليج و يكون معروف الاصل او يكون بينه و بين انسابه صلة قرابه))))و اسباب تفكيري هذا احتفظ فيها لنفسي
عموما ابي رايكم لا تبخلون علي فيه و اذا انا غلطان بروح اعتذر له
ملاحظه..انا ما اعترض على اي حديث و مؤمن بكل الادله الشرعيه بس اذا كان فيه سعودي كفو و هندي كفو و الله ترك لي حرية الاختيار من بينهم....من ابي اختار؟؟؟و كذلك بين البنات من ابي اختار و لا ننسى حديث المصطفى صلى الله عليه و سلم ((اختاروا لنطفكم فان العرق دساس ))
اقرو الموضوع بوساعة صدر و ردو علي
اخواني انا استخدمت بعض الافاظ القديمه و الغير مستخدمه بكثره في الابيات ارجو ان اللي يصعب عليه لفظ معين يسالني في التعقيب و بجاوبه