[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ماني على خبرك اسامحك وارجيك = ذبحت كل احساس صادق بعيني
هذاك وقتن كنت احبك وناجيك = محتاج قلبك يالغضي يحتويني
ياما قضيت ايام وايام ابكيك = كنت احتري كلمة محبه تجيني
ماقلتها بخلت عيونك واياديك = تركتني مايوم حسيت فيني
ياسيدي رغم الزمن كان يمديك = ترحم خفوقن يرتعش في يديني
الله معك ربي حبيبي يجازيك = باكر تحس بدمعتي ياضنيني
لاعانقت ذكرى غرامي لياليك = ومر ذكرى حب بينك وبيني
اخطيت يوم اعطيتك القلب بيديك = كنت احسبك صادق حبيبي تبيني
لا لاترد ارجوك مابيك مابيك = خلاص كافي مامضى من سنيني
هذا مع اني يالغضي ميتن فيك = قتلتني وادري بعد تقتليني
خلاص قلبي مابقى جرح يكفيك = ياالله مشينا دمعتك تحتريني
[/poet]