السلام عليكم.....
جاهزين ههههههههه بسم الله بدينا....
مو كأنها تعبت قليبك؟؟
مو كأن الدنيا طغت وتجبرت على قلبك؟؟
مو كأن الدنيا اقدرت تذرف دمعتك وتمحي بسمتك؟؟
مو كأنها فرحت أعدائك بجزنك؟؟
مو حرام انها تاخذ ساعات من ايامك علشان تمليها هموم واحزان؟؟
مو كأن لعبتها خلاص صارت واضحة ومعروفة؟؟
فرقت الاحباب وبعدت القلوب...
تحاول تضغط عليك علشان تهد قوتك...
ملت عقلك وقليبك بأفكار المفروض مكانها في اسفل قائمة الأولويات عندك...
لمتى بتخلي الأحزان تلعب بأفكارك؟؟
لمتى بتخليها مثل الجبل على قلبك؟؟
لمتى بتخلي وجهك مهجور من اروع ابتسامة؟؟
لمتى بتخلي لسانك محروم من أجمل عبارة؟؟
ماتحس أنك إنسان ومن حقك تعيش وتضحك وتفرح؟؟
ماتحس ان جا الوقت الي تقول فيه لأحزانك وهمومك خلاص يكفي الي عملتوه؟؟
ابعدتم النوم عن عيوني...
حرمتوا الناس من ابتسامتي...
عودتوا الناس على منظر دموعي...
مو عمرك الحقيقي هو سعادتك؟؟
مو هذه الدنيا الي سبب احزانك شيء مؤقت وراح يزول؟؟
ليه تخلي الماديات تحكمك؟؟
ليه ماتتعامل مع النفس والروح الي هي اقوى من المادة؟؟
بعض الساعات تكون محفظتك مليانه فلوس لكنها ماتقدر تمحي جزء من همك...
وغيرك ماعنده ولافلس لكنه مرتاح لأن عنده سجادة ومصحف ويعرف شيء انت ماتعرفه هو يعرف أن يد مرفوعة ودمعه مذروفه تصفي قلبه من كل نقطة سوده...
هذا تعامل بالروح وماخاب وانت تعاملت بالمادة والين الحين وانت تدور عن مكان تنفس فيه هموممك...
ماتحس ان التشاؤم الي سيطر على تفكيرك بنا مستعمرات من الهموم في قلبك؟؟
ماتحس ان الوقت الي يمشي وانت حزين فيه خسارة يروح من غير مااحس بطعم الحياة؟؟
ماتحس ان يدك اليمنى صارت هموم واليسرى أحزان وجلست تخنق روحك بيدك؟؟
ماتحس ان بأن احزان تغلبت عليك لدرجة انها خلتك تتمنى الموت بعض الاحيان؟؟
ليه الحزن؟؟؟؟؟؟؟؟؟؟؟؟؟؟
إذا مات الحبيب في الجنة سيعود...وإن كنت ترى الدمار ففي الدنيا ورود... وإن كنت تشعر بالهزيمة في بلادك فمازال فيها أسوود... ألاتعلم بأن الله كتب لنا النصر ولي في الدنيا مكان للقرود...
ابتسم اجعل قلبك يتنفس هواء السعادة يكفي ماحصل له المسكين ماتت فيه ورود الأمل وورود التفاؤل...
اذا قلها بكل قوة أطلق صوتك المكتوم داخلك قلها كفى انا اقوى انا اغلى انا انقى منكي يادنيا العجائب ستظهر إبتسامتي رغماً عنكِ لن تغلبيني بعد الآن.
كما أنصح باستخدام سيجنل تو فمعه الابتسامة أحلى ههههههه :D
اخوكم بلسم الغربة والاحزان