رهين العذاب
أخوي وحبيبي ونسيبي
وصديق الحســــــام هههه:D
أرسل لي ثلاثة أبيات
يقول:
من عين الطيب عشير النشاما=الشاعر اللي ياجماعة فقدناه
قصدت ابو تركي رفيع المقاما=اللي ينومسنا الى حل طرياه
عقب الرجال الطيبين الكراما=عتابه الهيلا هل العز والجاه
ورديت عليه واعتذر منه على إطالتي في الرد
بس معليش ابو رهف
عجزت أمسك نفسي
ولولا لولا . كان مدري وش يصير
![نقره لعرض الصورة في صفحة مستقلة](images/smilies/smsm/rolleyes.gif)
لفتني أبيات(ن) تزيل العساما=اللي كسا جوّي وانا اشوف برداه
أبيات فيها مثل ريح الخزاما=فاحت عليْ باطيب شذا ريح وازكاه
من شاعر(ن) له فالظمير احتراما=ابو رهف يا جعل الانذال تفداه
من روس حرب اللي عليها الكلاما=قوم(ن) رقوا رجم الكرامه ليا اعلاه
كم راس شيخ(ن) نطـّحوه الحساما=وخلو جعارة ضلع ابانه تعشّاه
والشاعر اللي تذكره .. ما يناما=من همّه اللي جاثم(ن)فوق علباه
مشغول في شغل(ن) يهدّ العظاما=ويعيش في حال(ن) على الرب مشكاه
بين العمل صبح ومسا ، والمداما!=والعصر مع عوج العراقيب قضـّـاه
ما عاد يذكر زاهيات الوشاما=ونسي الطريق اللي حفت فيه رجلاه
ولا عاد تطريله طواري الغراما=نسيه من عقب اشتغاله بدنياه
وتراه يرفع للجميع السلاما=للمنتدى واهله من ادناه لـ اقصاه
ويقول مثلي ياعرب ما يلاما=شغلي حداني يا عسا القوم تحْداه!
أبو تركي