يوم جتني تشتكيلي ودمعها من العين سالي=فز قلبي من مكانه يوم شفت الدمع سال
من عيون اللي هدبها يسوى عندي الفين غالي=غاليه عندي وتسوى بالمحبه الفين غال
قلت قولي وعلميني يابعد عمري وحالي=وابشري بمتنن يشيلك لا قسى وقتك ومال
وابشري بعزٍ يحطك فوق هامات الطوالي=ويقعدك فوق الثريا لين يغتاض الهلال
وابشري بلي تبينه بس قولي في عجالي=ماتحمل دمع عينك لاتحدر بنهمال
قالت الدنيا عنيده والليالي ماتبالي=والعواذل جرحوني بحكيهم يبن الحلال
اتصبر بس صبري حطلي بالقلب صالي=قلت اقبل واشتكيلك يوم شفت الصبر طال
وابتدى يشرح شعوره بحكي والله مايقالي=لو بغيت اقدر اقوله بس والله ما يقال
وضاقت الدنيا بعيني وضاقت وساع السهالي=وين مالديت وجهي ضاقت بعيني السهال
لعن ابو كيد العواذل وياعساهم للزوالي=بس تسعى للمفارق ياعساهم للزوال
كيف قالوا ما ابيك واني مقصر في وصالي=وانت تدري ان المحبه ما تدوم بلا وصال
يعلم الله ما منعني الوصلكم غير انشغالي=وانت تعرف وش ضروفي وشوم يا وافي الخصال
انت عندي بهالدنيا ياحبيبي راس مالي=ولو تركتك مابقالي يا حبيبي راس مال
والله ان حبك بقلبي كثر حبات الرمالي=لك جمعته وسط قلبي عدد حبات الرمال
كيف انسى وكيف اسلى وانت نبعٍ لي زلالي=ارتوي منه المحبه لين وصلت الثمال
وين مالديت وجهي دايم اشوفك اقبالي=وحتى في لحظة منامي ايمر طيفك فالخيال
والله اني مخلصٍ لك بالهوى بول وتالي=ولا نضرت الشخص غيرك لوهو قمه بالجمال
انت حبك لو يورث كان ورثته اعيالي=لجل تعرف ان حبك وسط قلبي لايزال
ولو تغيب العمر كله يبقى طيفك في خيالي=مستحيل انساك لحظه واعتبر هذا محال
واليوم خذ مني الحقيقه واقطع اطراف الجدالي=وخل شخصك للعواذل دايمٍ صعب المنال
البشر كد قالوا انه لامشى شخص ابعدالي=فيه تحتار الاعادي لاتخطى بعتدال
واثق الخطوه ملك ودوم يمشي بأختيالي=وانت يا عمري ملك وخل مشيك بأختيال
والعذول اليا حكالك لاتخليله مجالي=اقطع اطراف الحديث ولاتخليله مجال
وكذبه بشروق شمسه وقله تشرق من شمالي=وانت تدري منين تشرق بس قله من شمال
خلك على خبري من اول شامخٍ والراس عالي=مايهزك هرج عاذل ولاتبدلك اليال