منتديات الوئام - عرض مشاركة واحدة - للموجووووودين والفاااضين بس.. غيرهم يمتنع

27 / 05 / 2004, 12 : 01 PM

###(طفلٍ لوا قلبي)###

الله من قلـب يزيـد ارتهاجـه
يلعب به الهاجوس مع كل فجي

كنه على موج البحر فوق ساجه
بعواصف منها البحر مستلجـي

الدمع من عيني يزيد إنزعاجـه
يشدي هماليل السحاب المحجي

على عشير صار للقلب حاجـة
متولع بـه عنـه عيـا يسجـي

طفل لوا قلبي على الحب عاجه
وقلب الشقا طول عليّ الترجي

إن قذني بالعين وأسفر حجاجه
سهوم طرفه للضماير تخجـي

يانور ليلي وإنت مشعل سراجه
ياجنتي ما غيرك أحـد يهجـي

الحب ما به ياعشيري لجاجـه
وحب ما هو حبي ظلام مدجي

الرجل تمشي لين تاصل مداجه
بأرض سقاها كل مزن مرجـي

من رايح برقة يزيـد التعاجـه
وبله حقوق و لا تقفـاه عجـي

*

*

محمد بن أحمد السديري
رحمة الله عليه

*

########

.....

الليل من دونك ترى شين وامخيف

وشلون اقضي باقي الليل دونك

عذب الحديث وهمسنا والسواليف

ومحاولة تبديد غيمة اظنونك

ما قد خبر وسط الشتا ياتي الصيف

وما ظن شخص يحب مثلك يخونك

ما ودي انك عابرٍ كنك الطيف

واني انا نجمه وطاحت بكونك

ودي اكون البحر لك وانت لي سيف

واكون لك عمرك وقرة اعيونك

واصير لك ديوان شعرٍ وتوصيف

وفي وسط صحراء الحب تهطل امزونك

لا تخاف لا ما فيه شك وتخويف

انا معك في رحلة العمر عونك

نظمت عمري عقد لا تقول لي كيف؟

ايام عمري ما لها طعم دونك

عطني بحبك أي وصف ٍ وتعريف

بس اني ابقى نظرةٍ في عيونك

تنهات نجــــد