صباااح الخير للجميع
الثلاثاء 25جمادى الاولى
تسجيل حضوووور
اسيره تسألين وش في
مافي الا العااافيه
يمكن تلقين الاجااابه هنا
أساهر همومي والأحزان حراس=هني من هو مايساهر همومه
أدفن بقايا الحزن يابنت والياااس=وأقطع غياهب ليل غابت نجومه
وأجامل الأصحاب وأضحك مع النااس=من خوف لاحزني تبين رسومه
أجاذب آهاتي والأرياق يباس= وأفطر نهار وباقي الوقت اصومه
واقول للي يشكي الحزن لا بأس=وأخفف آهاته وأداوي كلومه
واصير أنا له في دجى الحزن نبراس= وازعل على مثله وقلبي يلومه
حساس والله حيل يابنت حساس= واللي تلومينه فهذي علومه:
تضيق والله في يابنت الانفاس= لو كنت انا رجلٍ قويه عزومه
وانهج على قفرٍ خلا مابه أوناس=أصيح وأعدي بعالي رجومه
أشكي على هاك الفيافي والأطعاس= مادام جافتني القلوب الرحومه
من اخمص اقدامي الى هامة الرأس=الحزن لبّسني لك الله هدومه
اهيم بالبيداء تقل شاربٍ كأس=وتلفني في بعض الأحيان حومه
وأنا الرهين اللي له الهم حبّاس=جود وثاقي كني أكبر خصومه
هذي علومي جتك يا أغلى من الماس=(ياللي تلومينه فهذي علووومه)