أحيان طماع واحيان اغلب الطمع = واحيان فكري يروح ويسرح ابعيد
قمت اتخيل حبيبي شهد في شمع = جالس وكن النحل ما يمنع الغيد
النحل حارس على خلي وله قمع = ما يقتحم بيته إلا درع ومبيد
احاول ارسل رساله نصفها دمع = واقطع ارسالتي مره وترديد
اجلس مع النفس واطرح واخذ الجمع =والمشكله ناتج اللي نطرح يزيد
قلبي مع الذكريات يحاور السمع = والسمع يعشق وشوف العين توكيد
الحب واصل حدودي والهوى لمع = كهرب فؤادي وانا فالحب ما اجيد
عالم خيالي طفح والقلب له رمع = واعلومي السباقه راحت مع البيد
من شافني قال طامع للطمع طمع = وانا صحيح اتطيمع لكن ابعيد