01 / 09 / 2004, 42 : 02 AM
|
#1
|
وئامي مميز
|
+
رقم العضوية »
11009
|
+
تاريخ التسجيل
»
30 / 06 / 2004
|
+
الجنسْ
»
|
+
الإقآمـہ
»
|
+
مَجموع المشَارگات »
341 |
+
معَدل التقييمْ »
10 |
شكراً: 0
تم شكره 0 مرة في 0 مشاركة
|
حادثه في ليلة الدخله..!!!
بسم الله الرحمن الرحيم
يقولون والعهده على الراوي وانا انقل لكم السالفه كما سمعتها من القائل:
شاب تقدم الى خطبة فتاة ذات حسب ونسب ,وافق اهل العروس وتم الزواج على اتم وجهه .
بعد حفل الزواج توجه الزوجين الى عش الزوجيه ,دخلا الى شقتهما واثناء دخولهما واذا بهاتف الزوج يرن ودار الحوار التالي:
الزوج : هلا ومرحبا من معي؟
المتصل : مبروك يا عريس وين الناس جينا الصالة مالقيناك ,معك فلان .
الزوج : هلا وغلا بفلان وينكم ياأنذال ماجيتو العرس ؟
المتصل : والله مشينا من الديره الصباح لكن صار لنا عطال على الطريق وتأخرنا .
الزوج : وينكم الحين ؟
المتصل :والله حنا طالعين من القصر الحين ؟
الزوج :خلاص انا بوصف لكم البيت وتجون بسرعه .
المتصل :لا يابن الحلال خله مره ثانيه
الزوج : علي الطلاق الا تعشون عندي انت وخوياك ,كم عددكم ؟
المتصل : والله حنا عشرة اشخاص
الزوج : انا بأنتظاركم !!
اغلق الزوج الهاتف واتجه الى الزوجه الي ماتدري وش السالفه الى الحين .
المهم قال الزوج :اسمعي حياتي ابي اروح اجيب اغراض العشا وانتي ادخلي المطبخ شوفي شغلك
المسكينه وقفت مندهشه من الموقف ,ليلة الدخله وعازم رجال عندي وان توي عروس .
جاب الأغراض الزوج وما قصرت العروس سوت عشا العشر اشخاص .جو الضيوف وتقهوو وعينو من الله خير وتعشو وتوكلو على الله الى ديرتهم .
رجع الزوج الى عروسته وكانت بحالٍ يرثى لها .دخل الغرفه ويحمل بيده مبلغ وقدره (5000)ريال
ورماها في احضان زوجته .
قالت : ماهذا ؟
قال : هذا مبلغ اخذته من الضيوف كل واحد دفع (500) ريال .
قالت : ما المناسبه ؟
قال : الربع تحدوني اني اسوي عشا ليلة الدخله وشرط تسويه زوجتي وكسبت الرهان وطل واحد دفع
(500) ريال .هاه وش رايك ؟
________________________________
اتمنى ان تستمتعوا بالقصه وقيل انها حدثت في مدينة الرياض ..
وسلامتكم
تحياتي
|
|
الزميلي
---------------------------------------
يومك قنعت بسقف واهي الجدران=الضيغمي للشمس حث المطايا
لا أنته بجنبي طيب أو عز أو شان=ولا أنته بقدامي ولا أنت بورايا
الله بلاني بك ولاني ببلشان=لاشك ودي ينطحوني قوايا
|
|
|