حبايبي
سلام سليم ارق من النسيم
فكرت امس ودار في بالي > > قلت ليش الكل يكتب في الترفيهي قصص مضحكة ومفارقات من الخيال ؟؟؟

هل :

الواقع مافيه شي حلو ومضحك ؟؟

ماحد مر عليه موقف او شاف شي يصلح للترفيهي ؟

مافي قصص نسمعها من اصحابنا مرت عليهم او سمعوها ؟

ورب البيت في !! مليييييييييييييييييييييانه !!!

وابقولكم كم قصة بعضها مرت علي.. وبعضها شفتها قدام عيني .. وبعضها سمعتها ( على ذمة الراوي ) :

-----------------------------

كنت ايام الثانوية مصاحب اثنين شباب من قبيلة وحده .. واحد يساويني بجسمه < يعني أقدر ألطشه ولا أخاف >

والثاني يادووب يدخل من باب الفصل > طول في عرض في ارتفاع ( يعني يتوطى 10 مثل صنديد )

وكنت انا واللي مثلي واقفين قدام السبورة وكان يكتب اسم قبيلته بخط حلو وبعد ما أنتهى كتبت انا تحت اسم

قبيلته - (من باب المزح والشقاوة) - كتبت بخط عريض ( والتراب ) << سلامة وجيه الوئاميين >*

فتبسم صاحبي وهو ينظر خلفي ... ويوم نظرت ولا الثاني واقف وراي مثل الجبل وطبقني من رقبتي ... فتبسمت

وكتبت تحت كلمة والتراب بنفس الخط .. كتبت ( الصالح للزراعة ) - فابتسم الوحش وهز راسه وتركني وهو فرحان

والجدير بالذكر ان هالوحش ( هبيل >> مخ مافي .. من السهل تضحك عليه .. وبالمناسبة ترك الدراسة خخخخخخ

--------------------------------

يحكيلي صديق يماني انه بعد الوحده انتشر تهريب السلاح بين الشمال والجنوب وكانت في نقطة تفتيش ماحد

يمر الا يسألوه عن السلاح واذا لزم الأمر يفتشوه < ودايما يمسكوا ناس يهربوا ويصادروه عليهم ..

ومرة من المرات جاهم واحد لاطشله دبابه وسايقها وبيمر من المركز ... أوقفه واحد من الجنود واتسلق على الدبابه

وسأل اللي سايقها : هاه ياخبيري معاك أسلحة والا لأ ؟ لو معاك طلعها .. ... رد عليه اللي يسوق الدبابه وقاله:

ياخي مامعاي ولو معاي باأطرح ابوها قدامك .. فنزل الجندي وقاله : خلاص روح .. شكلك صادق ..

ويقول الراوي : ان صاحبنا مر من المركز بسلام <<<< خوش جندي * خخخخخخخخخخ

----------------------------------------
وفي صديق لي يقوللي ان عمدة حارتهم كان يحط ( الختم ) بكيس ويلفه ويدسه ورى كيبل كهربا جنب بيته ..

ولما عرفوا رجاجيل الحاره ... راحوله وكلموه : مايصير يالشيخ يمكن يجي احد يستخدمه وانت ماتدري ..

يقول صاحبي ان العمدة مات من الضحك عليهم ... وقالهم : يامهابيل تحسبوني أثول ؟ صحيح ان الختم ورى الكيبل

لكن الإستمباد بجيبي << وعلى ذمة الراوي

---------------------------------------------------------

وسمعت مرة عن واحد شايب انه اول ماركب تلفزيون في بيته .. فتحه وبالصدفه كانت فيه مباراة ...

يحلفوا اللي سمعت منهم القصة انه راح جاب سطل مليان ماء ونثره على التلفزيون وقال: يالله كل واحد يروح يلعب

عند بيت ابوه ... <<<<<<< ماهي على ذمتي

-----------------------------------------------------------

وهذا الموقف حصل بيني وبين واحد من المنتدى ( اذا حب يكشف هو عن اسمه ماعندي مانع ) المهم انه انقطعنا عن

بعضنا فترة طوييييييييييييييلة .. وبالصدفه قابلته جالس في مكان ما ... ومثلت عليه اني صرت ماأتكلم (أبكم) ..

< الله يسامحني ويغفرلي > .. وصار يسألني : من متى ؟ وايش السبب ؟ وانا اجاوبه بالاشارة او بالكتابة ....

وماعاد الا يبكي ( ياحليله ) .. وقام يكتب لي أسماء وعنواين شيوخ بالرياض يعالجوا بالقرآن ...... وانا حاشرني

الضحك .. بس قمت بالدور 100% والين خلاص صرت ماتحمل ابضحك .. خرجت من عنده واشرت له بيدي اني راجع

ورحت ضحكت ضحكت ضحكت ... وانا راجع أتصلت على التلفون اللي عنده من جوالي وسألته : ماجاك الأبكم ؟

فصرخ بوجهي: ياشيخ اتقي الله !! من انت ؟ اعطيته اسم من راسي وقلت له هذا الأبكم فيه وفيه ويجيب الملل وانا

بجيه الحين أسوي فيه وأسوي فيه ... قام أخينا بالله كاش فيني كوشه وقام يسب ويشتم .... ألين قربت منه

ودخلت عليه وانا بيدي الجوال واتكلم ... نظر في وانا ميت من الضحك .. وماعاد الا يضربني .. وطاح تهزيء فيني

وانا ماني يمه ميت من الضحك .. المهم تسامحت منه وندمت على اللي سويته بس عاد كان مقلب وعجبني !!

وتراه لليوم ماينسى هالمقلب كل بعد فترة يذكرني فيه ويقوم علي ..

------------------------------------------

عندي كثير من المفارقات والمواقف الواقعية كاتبها بمذكرة ... ولكن ضيق الوقت والرغبة في تجنب الملل خلاني اختصرها على كم موقف ... ويمكن اسرد منها في موضوع ثاني اذا سمحتولي ...

وباااااااااااااااااااي

صنديد