احبتي اسعد الله اعيادكم بطاعته
وجمعكم بمن تحبووون
اليوووم اللي عيدت !!!!!!!!!
تصدقوووون والا احلف
احببت ان اصافح قلوبكم النقيه بهذه الكيبورديه
وأن تشاركوني فرحة العيد
كلي امل ان ترق لاذوااقكم
وكل عااام والجميع بالف خير
صبااح العيد هذا احلى صباحٍ مر باعيادي=صباحٍ فيه عايدني حبيبٍ طول غيابه
من اول قبل لا اعرفه يمر العيد بي عادي=واحسه يوم ما يفرق مع الايام متشابه
حبيبٍ لا ازدحم ليل الهموم وطول سهادي=حضنت طيوف وصله وانجلى همي من اسبابه
حبيبٍ لاكثر هرج الملام وحكي نقادي=لقيت اسمى معاني الطيب واقفةٍ على بابه
احبه واعشق القيفان من شانه وتنقادي=اسطرها على شانه وتفرح به وتزها به
احبه واعشقه عشقٍ مع الايام يزدادي=واحب ارضٍ سكن فيها حبيبي واعشق ترابه
احبه يا عساي فداه خلي غاية مرادي=واحب العيد من شانه ما دام العيد لي جابه
احبه اييييه انا احبه واصادق فيه واعادي=واحب الناس لا قالوا ترى حنا من احبابه
احبه ايييه واعلنها لعذالي وحسادي=وابترك من تمناني حبيبه يتعب ركابه
عسى حبي له الافراح في دنياه تنعادي=ويسعد مثل ما يسعد قصيدي لا تغنى به