السلامممم عليكم ورحمة الله وبركاته

بنوتات الوئام الأمورات والله رجعت وانا من اول بكتب هاالموضوع بس ماجاني فرصه وهاذا الموضوع لكم كلكم يعني مو موضوع بنزله بعدين بيروح للأرشيف مع كم رد لا هاذا موضوع مخصوص للكل لتبادل الخبرات يعني اي وحده فيكم تعرف شي جديد في الطبخ او لأزالة البقع او اي شي يخص البيت ويكون مجرب ومضمون تجي تعلمنا عنه هنا ونستفيد منها منعلمها لغيرنا واعطيكم بعض من خبراتي الشخصيه

اذا جيتي تطبخين الدجاج ولأزالة الزفر منه شيلي اربع حبات لكل من

هيل دارسين وقرفه عدله وارميهم معه مع قرن فلفل حار احمر او اخضر وحبة لومي اذا كان الدجاج للكبسه

اذا بغيتي الدجاج المشوي يطلع طعمه روعهههه بدل ماتحوسين وتعصرين ليمون ومايطعم فيه حطي بدال الليمون خل وملح الليمون حوالي ملعتين كبيره

لأزالة الزفر من القدور اثناء غسلها احرصي على وضع كميه من الكلوركس وعصير الليمون واذا تبينها لامعه ادعكيها با الليفه السلك الخشنه مع صابونة لوكس

لأزالة البقع من الغسيل الأبيض ضعي كميه من الكلوركس والصابون في الغساله ودعيها تغسل لفه وحده وبعدها سكريها وخليها تنقع لمدة يوم كامل وغيري الصابون والكلوركس وبعدين اغسليهم

واذا بغيتي ازالة اي بقعه من السجاد صعي ملعقه كبيره من الخل وامسحيها بمنشفه فيها الفليل من الماء بعدها ادعكيها بالصابون والماء ثم جففيها جيدا

وهاذي بس بعض مااتذكره الحين وانتم ابي اشوف خبراتكم حتى لو قريتها في مجله او سمعتي عنها



ودمتم سالمين <<<<<<<<<<<<<<<<<<<<<< مانسيتها