يطري عليه الوله .. وأطري على باله = يامرحبا لاضوى خلي على بابي
هجيت حدب الضلوع ونوخ جماله = لاجله بكت دمعتي ولأجله ضحك نابي
وكل ما ضحك لي لمحت النور في آماله = والى تجهم سترت السقم بثيابي
وكل ما شكى من عنى همه وغرباله = أقول لعل به جرحٍ من أسبابي
طال الحكي ما لقيت الوصل بوصاله = لاني حبيبه ولا هو أقرب اصحابي
ناديت طاري المحبه مالنا وماله = بالحيل أنا وانت ربع وكننا أغرابي
يا زين كانك حزين .. فحالتي حاله = بكفيك همك وأنا بصبر على مابي
لو الشجر له نصيب فـ بارد ظلاله = ماحرق القيض جفني وأنت فـ أهدابي