متى تجمعني الفرحه .. على درب الهنا وياك ؟ = متى نروي عطش عمرٍ مضى لو طالت الغيبه ؟
متى تتعب من معاند زمانٍ يعتزم فرقاك ؟ = لو انك تلحقه ماشفت في محياه ترحيبه
معك عمري حلم ابيض .. تخيلته ولا يخفاك = تبي ترجع لجل قلبي قدومك لي يهلي به
تعب قلبي من الذكرى .. ولايمكن بيوم انساك = عليك الماضي المحفوظ تقراني مكاتيبه
تحملت الجراح ونقمة العاذل على يمناك = و لونت الورق بآخر دموع الحزن والخيبه
تدارك منتهى دربك .. يجوز يخونك الادراك = وتفقد في مشاويرك الم حبي وتعذيبه
تبي ترجع بتلقاني يهزني الشوق لملاقاك = تبي تقفي ما راح تلقى مثل قلبي بهالطيبه
صدى الحرمان