يا الله لا تقطع رجا كل مشتاق = بامرك يا رب الحلم يصبح حقيقه
وأنا أدري أن الوصل تاليه لفراق = ولولا الأمل .. ما تحمل النفس ضيقه
أمس سرى في تالي الليل براق = قلبي يفز لنوضته بتخفيقه
وسمٍ بكور صادق الوبل دفاق = لو شافه الظميان يبتل ريقه
عله على دار الوفا .. دار الأشواق = دار صفت لأهل القلوب الرقيقه
فارقتهم ما ليلةٍ خاطري ضاق = واليوم للسلوان ما أجد طريقه
يا كود حرفٍ لي كتبته بالأوراق = مثل السراب اللي يسلي بريقه
والله لو كل المخاليق عشاق = ما شفت لك نفسٍ تعذب دقيقه