بسم الله


الجمع الكريم من أهل الوئام والرواد والزوار
السلام عليكم ورحمة الله وبركاته وبعد
يسرني ويشرفني أن أسلم عليكم هذه الليلة وأكون بينكم هنــا
ووالله ما نسيتكم فأنتم على البال ولكن مشاغل الحياة منعتني عن المتابعة مع
أحباب لي في هذا المنتدى الشامخ .
أعزائي
القصيد واجد واحترت وش أقدم لكم ووقع اختياري على هذه القصيدة
ولعلها تكون خفيفة ظل على من قرأها

أقوووووووووووووول

عدّيت فالرّجم المنيف وهب نسناس الشمال=اعصير والاشجان هاضت في جميع أشكالها
فيه أسئله في خاطري سؤال يتبع له سؤال=وقامت تواقع فالشجن وقت الغروب أجوالها
فكّرت فالماضي وفالحاضر وفي كيف المآل= وضاقت بي الارض البراح اللي وساع عبالها
يامودماني بنشدك ياكيف يهنا فيك بال= وانت الذي ينسج لنفسك بالفنى سربالها
لاخير في دار(ن) نهايتها التلاشي والزوال=اسعودها مصحوبة(ن) باحزانها تبرالها
دنياك هاذي يالفتى لاشك ماهي راس مال= يقرن لك استقرارها بك مع تقلب حالها
أجذب رسنها لاعدمتك لين مايبقى مجال=واوثق يداها لابكيتك في حفيظ عقالها
لاشك أهنها وارمها قدام ترميك بزوال=ادفن شرفها قبل ماتدفن شنبك نعالها
اقف مواقف صامله وابعد عن الجرف الهيال=وانجز ترا خصمك مهي دنيا العذاب لحالها
معها بليس النجس وجه النحْس معدوم الجمال=هو قايد اعلوم الفساله والخنا دلالها
عدوك اللي يدفعك للذنب ولفعل الخمال= والخاتمه ضيع عليك الآخرة واعمالها
ودّه تصير بساقته يبغا يورّدك النكال= ويْصَبــّحك ولاّ يمسّيك بلظى واغلالها
شوري عليك تخالفه وتتوب من درب الضلال= قدام حسرات الندم تلقي عليك ضلالها
ولاعاد عضك لاصبعك يجدي ولافيها مجال= ولاينفعك صفق اليدين ايمينها بشمالها

وسلامتكم

أخوكم
أبو تركي 10