شاب حرف القاف.. وعذبنـي القصيـد = والهمـوم اليـوم صـارت فـي ازدِّيـاد
يتّقـدْ فـي ضـامـري مـنّـه وَقِـيـدْ = ليـن جفنـي حاربَـه حـلـو الـرقـاد
ضاميٍ والحرف جرعنـي.. ( صديـد) = أحسبـه لِـي تَسّلِيَـه وإثــره نـكـاد
في لساني صمت.. وفي لَحنِـي نشيـد = شايبٍ قولي .. ورأ سـي فـي المهـاد
كنّت غافـل عنـه.. مبسـوطُ وسعيـد = مبعـدٍ عنّـه.. ولالـي بــه مــراد
أتسلـى بـه.. واطالـع مـن بعيـد!! = وعنـه نفسـي دوم.. أجاهدهـا جهـاد
قاسـيٍ باسـي معـه.. كنّـهْ حـديـد = مـا بغيتـه.. جعـل قافـه للنـفـاد!!
ليـن حـرك خاطـري.. شـيٍ جديـد = وأشعـل اللـي طافـيٍ تحـت الـرمـاد
جاوبَه نبضـي.. ودمـي.. والوريـد = وطحت كلي !!.. تحت رجلينه بـداد؟!!
الحـذر.. والجـود.. مـاوالله يفـيـد = كنت صاحي ..بس.. شاءَ الله ..واراد
قدّرتْـه سبحـانـه الـفـرد الوحـيـد = لاقضى أمرٍ .. يجـي علمـه.. وكـاد
مانفعنـي (حلمِـي ).. ورايـي الرشيـد = يوم جاء وقـت اللّزَزّ..يـوم الطـراد
لاغَشانـي ..قلـت شيـطـان مـريـد = ياعسـى يدحـره ..خــلاق العـبـاد
وإن تركني قلت لـه (هـل مـن مزيـد) = تشـبـعْ الخـاطـر بـجـزلاتٍ جــداد
ينتشِيني القـول.. وأسردْهـن سريـد = ويتطايـر مثلهـن.. كـثـر الـجـراد
ولو يصوم القـاف عنـدي يـوم عيـد = وأقشر أيامي.. إلـى عـود.. وعـاد
وصرت أنا له يوم.. عبد ..ويوم سِيِد = وخايـفٍ وجـهـي يجلّلـه الـسـواد
والفخر .. بالديـن.. والفعـل الحميـد = والشعـر .. هـرجٍ .. وترديـد يعـاد