ألا يا ليت هل تنفع ياليت = ألا يا ليت ما فارق خيالك
ألا ياليت عن قلبي دريت = وتقبل منه لا منه شكالك
كتبت الشعر بيت بعد بيت = وخليته بريدي واتصالك
احبك بس ما غيرك هويت = ولا ابغى فالهوى حي بدالك
احبك لو مع الحب انكويت = ولو تطلب ترى كلي حلالك
فداك الروح يا أغلى من فديت = فداك العمر والعمر انتمالك
تمنيتك معي حيٍ وميت = ما بي غيري بعد موتي ينالك
عرفت الحب في حبك رقيت = ولو حبك يسبب لي مهالك
انا ماصد عنك ولا نويت = ولا فكرت يوم انسى وصالك
كذا حبي وبعدي ما ارتويت = ألا ياليت يبقى الحب سالك
ولا ياليت هل تنفع يا ليت = ألا يا ليت يوصلني خيالك