لا تحسـبـونـي يـــوم غـنـيـت طـربــان
انـــا بـعـالـج عــلــة الــــروح فـيـنــي
فينـي نهـار ولـيـل وافــراح واحــزان
مـحـدن يعـالـج عـلـتـي غـيــر عـيـنـي
اذرف مدامـع سايلـه فـوق الاوجــان
دمـعـه ورى الـدمـعـه تـريــح كنـيـنـي
((نادولي سالم مع سويلم ياذا الاجان
مبغـى البشـر مبغـى الاوادم تجينـي))
أبسئـلـك مـــن قـبــل لا روح يـافــلان
ســــؤال حـيـرنــي وأبــــي تقـنـعـيـنـي
ليـه الهجـر ..ليـه الغـدر والجفـا بـان
لـيــه الـتـصـدد وانـــت قـايــل تـبـيـنـي
ابغـى جوابـك وانـت يـازيـن خـسـران
جـاوبــنــي ولا يـاعــســى تسـئـلـيـنـي
عن قلبي المجروح من ذيك الازمـان
وعـن دمــع عيـنـي يـومـك تودعيـنـي
وهـذا جــزاي انــي شريـتـك يـاخـوان
وضحـيـت لجـلـك كــل غـالـي ثمـيـنـي
لـكـن قـبـل مــاروح برسـلـك إعـــلان
بـعـلـن وفـــاة الـحــب بـيـنـك وبـيـنــي
مبارك القحطاني