بعض العرب حبـه يـوردك الجنـون = ولا يوصف لـه غـلاه حكـاك لـه
مايقنعه وصف الغلا لـو وش يكـون = لو كل حـرفٍ بالحريـر يحـاك لـه
الموت جـاك وهـو تقلبـه الضنـون = ولا لك الا الصبـر..وش وداك لـه؟
ان قلت ضايق..قال : هونهـا تهـون = مايدري ان ضيقتك لـه وبكـاك لـه
تقعد تحبـه وانـت ساكـت ومغبـون = يمكن بيوم يقال له مـا اوفـاك لـه
وكانك مشكك هو يمون او ما يمون = تخيّل ان عفـت الصبـر فرقـاك لـه
غلاه من فوق الغـلا ماهـو بـدون = وحكاه سمعك يجبـرك بارخـاك لـه
ودك تحطـه فالعيـون مـن العيـون = وتبسط على رمض الثرى يمنـاك لـه
وتظله من الشمس في ظـل الجفـون = ولا يمـر اذنـه سـوى لبّـاك لــه
وتسج مـن غيـره لوانهـم يذكـرون = ومنين ما سجت القـدم ممشـاك لـه
غرو ٍ يميلـه التـرف ميـل الغصـون = غصن ٍ ليان ومكرمـه بسقـاك لـه
جديله الى اقفى ستـر منـه المتـون = كنّـي بريحـه لالتفـت لدعـاك لـه
كيك وعسل لكن ماهو فـي صحـون = ودعاك من عين الحسود اغطاك لـه
الله لا يعطيـه نـاس ينضـلـون = ويستر عليـه مـن النحـل لا ياكلـه
الوصف والتعبير في وصفـه يخـون = غير اطلب الله يستجيـب ادعـاك لـه
وعذال قلبـك فـي محبتـه يهبـون = سكينهم عـن قطـع حبلـه حاكلـه
ناس ٍ عن اعراض العرب ما يعرضون = ودايم على نفـس الشكـل والشاكلـه
اللـي مـن لحـوم الاوادم ياكـلـون = وحلوقهـم دافـع البـلا متواكـلـه
في سلمهـم اولى بالاكـل الاقربـون = واطيبهم اللـي صيدتـه شكـواك لـه
يدعيهـم الشيطـان للذنـب ويجـون = هـذا يقـطـع لــه وذاك يواكـلـه
يا جعلهم فدوة ثـر الغـض الفتـون = اللي على الدرب الطويل اخطـاك لـه
طيفه الى نـام البشـر زارك بهـون = وطيفك الى نـام البشـر سـرّاك لـه
حبه دفان ومقبـرة خضـر الطعـون = بيـن العظـام العـوج كنـك ناكلـه
اللي كذا حبه لـو تموت مغبون = ولا لك الا الصبر وش وداك لـه
للتحميل اضغط هنا
تحياتي