منتديات الوئام - عرض مشاركة واحدة

14 / 04 / 2007, 03 : 02 PM

مسيتم بالخير ..

اخباركمـ اعضاء الوئامـ ؟؟

ذا المـره جبت لكمـ لهجتـ ديرتي الأحساء فديتها .. نقره لعرض الصورة في صفحة مستقلة

بسم الله نبدأ ..

المصطلحات ...

اها عاد : يعني اخلص علينا

هبشـه : واجـد او كثير العدد

يستنى: ينتظر

عسو: جذع النخلة عندما يستخدم في التنظيف وايضا في تبلح العظام ينفع ههههههه

جظران : متملل

شخاط:كبريت <= اللي مكتوب وراه قديمك نديمك ولو الجديد اغناك هع هع نقره لعرض الصورة في صفحة مستقلة

فياخ : زهق او طفش ملل

اطبقي : سكري

بظهر: بطلع

ازعقي له : نادي له

اقلطي : دخلي

انتيفه : اشوي .. او قليل من الشي

منطول....... مرمي

مغتلق ..... ضايق صدره
امحق ....... يعني مالت عليك

موَقل ...... يعني على شفا حفرة من النار
حويجة..... تصغير حاجه

مقاقة .... يعني مالها خلق على البزران أو أي شي ثاني نقره لعرض الصورة في صفحة مستقلة

زط ..... يعني مشفوح على الاكل أو مستعجل وهو ياكل

حمولة.... يعني قبيلة
ينشب... حط الغدا يعني يافلانه انشبي الغداء

طرطور... ماعنده شخصيه

فريج.... يعني الحي اللي ساكن فيه

رياري....... يعني سعابيل هق هق هق هق نقره لعرض الصورة في صفحة مستقلة

ألمَك.... يعني أضمك

سمادة .... حظيرة الحيوانات

يزرط.... يعني يبلع من غير ما يهضم

شمخ.... جرح صغير

يترارا....... يعني شفاف

هبابك ...... يعني عساه يمديك

إدن.... يعني وسع لي مكان

الصكة...... يعني برا البيت

امبطح.... يعني انسدح و تمدد

مدعجة ..... اللي يدعكون فيها الجسم

صوغه ....... هديه

أمهي ..... يعني تعالي

معاضد.... اساور

شحقة....يعني وشو له هذا

تراشي : يعني حلق..

بدبغك : أي بلين جلدك بالتصفق بمعنى اخر الضرب المبرح ... نقره لعرض الصورة في صفحة مستقلة

اشذا ذا : يعني ما هذا

ماتعدينا : يعني تجي تقول لناس وينكم فيه اليوم ماشفتكم ..

يقولون لك والله اليوم ماتعدينا من مكانا يعني ماتحركنا .

طبينه : انا عاد هذي احب ريجتها
والطباين هي ريحة النخل المحرووق

الناس موول .. اسم مجمع هع هع هع قصدي معناها .. نقره لعرض الصورة في صفحة مستقلة

الوقت متأخر

برحت لوله : يعني اول امس ههههههههههههه

هفه تلايمك : هذي سبه ودايم اختي تقولها لي هع هع هع

الدلخ : انسان غبي

جغم : أي رشفه من الماء

لاك : يعني لو احد لابس جزمه اكرمكم الرحمن وضيقه
عليه يقوول ذا الجزمه لاكه علي خخخ

سويعه : تصغير ساعه يعني لما تجيك الحرمه تقولك برووح بيت ام فلان سويعه وراجعه .
معنى الحريم مايعرفون السويعه ابد خخخخ

دهريز : أي الممر الضيق

انطم : اسكت

شبديه : هههههههههههههههههههههههههه هذي اضافه من قاموسي يعني كبدي

يابعد شبديه انتو بس هع هع هع هع

نقره لعرض الصورة في صفحة مستقلة

هاطر اهطرك : هم سبه

بزتطك : أي ابخنقك

ياالهطفه : الطويييله

غنشه : أي صينيه

عيش : يعني رز

درااعه : أي فستان أو جلابيه

شربـت : أي الفيمتو

الديرم : هذا شي يختص بزينة الحرمه تحطه بسنانها

مااواطنه : أي مااحبه

نقره لعرض الصورة في صفحة مستقلة

الأمثله ....

يا امطوطي في جليب اصنع لبو عايش عباه
<= يطلق على فقدان الأمل

الطول طول نخله والعقل عقل صخله
<<= يطلق على الانسان الغبي اللي مايعرف يصرف امووره

تطورت منفووحه
<<== دايم عمتي تقووله لي لاسويت شي خارج عن عاداتي يعني شي حلو وفيه تحسن يعني سويت طبق حلا أو كيكه وعجبها نقره لعرض الصورة في صفحة مستقلة

الحياء زينه وفاقدته حزينه <= اتوقع انه مفهووم

هذا داده من شق مهاده
<= يعني هذا طبعه مايتغير

عادت حليمه لعادتها القديمه
<= يطلق على ترك الشي السئ ثم الرجوع اليه

********

والحسااويه

يالبى قلبهم وانا اعني اللي انا منهم بس <= الكلمه الثانيه تحت التشفير نقره لعرض الصورة في صفحة مستقلة

طيبين واللي على قلبهم على لسانهم

وعلانيتهم بسررعه يصدقوونك

وقت الشدايد اكيد يعجبوونك

ويوووووه اما حريمهم مافي مثلهم لما تخش بيتك وتشم العطر وريحت المشموم

وتشووف حرمتك حاطه ديرمه

اعرف ان حرمه حساويه كانت عندكم

اما رجاالهم ابكتفي بقوول

(( حساوي يجرح ويداوي ))

ابد مابه مثل الحساوييين بس لو ربي يفكهم من ........ <= هم تحت التشفير نقره لعرض الصورة في صفحة مستقلة

*********

الكثير يتريقوون علينا وعلى لهجتنا .. بس ابقولها وكلي فخر انا من ارض الاحساء ويكفينا فخر ..
ان ربـي سبحانه ذكر لهجتنا بالقرءان ..

فقال الرحمن تعالى في سورة الحاقه ..

ــ ((هاؤم اقرءو كتبيه )) ولم يقل كتابي ..

ــ (( اني ظننت اني ملق حسابيه )) .. ولم يقل حسابي

ــ (( فهو في عيشة راضيه )) .. ولم يقل راضي

ــ (( مااغنى عني ماليه )) .. ولم يقل مالي

ــ (( هلك عني سلطانيه )) .. ولم يقل سلطاني

فهـذا اكبر دليل على ان لهجة اهـل الأحساء لهجه عربيـه فصحـى ..

وهــذا كل اللي عنـدي ..

الدلع شرقاوي بنت الأحساء ..

(( بنـت الأحساء نجــمة مساء .... من شافــها اسمــى نسـى ))

ودمتم في حفظ الرحمن