قصيدة من أجمل ما قرأت ، فعلت بي الأفاعيل
واثق تمام الثقة أنها ستعجبكم وستروق لكم ، وقد تحرك الساكن من جروحكم
بدا الشاعر اللي نبرة الحـزن فـي مبـداه=وسلّـم يديـه لوجـه ربّــه وناصيـتـه
علـى راس رجـمٍ خالـي البـال ما يرقـاه=والأنسـام تلعـب فـي شماغـه وطاقيتـه
وقف وقفة اللـي باقـيٍ يـوم مـن دنيـاه=ولمح غالـي أحـلام الحيـاه متعديتـه !!
رقى بإنكساره .. وإلتفاته .. ودمعه .. وآهـ=وحوّل بضيقه .. وإستماته .. وتنهيتـه !!
نصيبه متاهـاتٍ مـن البـؤس والمأسـاه=هذيـك متنطحتـه !! وذيــك متقفيـتـه !!
يوم إن الغلا جـزّه بسيفـه مـع المثنـاه=تقفـاه وقتـه مــن خـلافـه بجنبيـتـه !!
وليفي عساني لو عدمتـه ماعـدم أرضـاه=ولا أعدم نباه !! وميلـة القلـب ناحيتـه !
سقـا الله ليالـي عوّدتنـي علـى لامـاه=طريقـي عليـه ووقفتـي عنـد ساريتـه !!
قبل تفتـح الدنيـا عيونـي علـى ذكـراه=وأنـا ما غفلـت وغفلـة الشـي ماريتـه !
ليا أمسيت في قطـع الخـلا مانـي بويـاه=ولا العيـن شايفتـه ولا الإذن موحيـتـه !
الا ياوجـودي مـن فـراقـه ويـاعـزّاه=وجود الوحيد اللـي شريـدة عـرب بيتـه !!
هو الله عطاه الصبر عنّـي !! وانـا والله=ما أخلّـي جــدارٍ ما أتلوى بزاويـتـه !!!
عسى الله يبرّي ذمتـي مـن خطـا فرقـاه=كثر ما أنتظرتـه فـي الـدروب وتحريتـه !
تـدور السنيـن وكـل ماقـدمـه يلـقـاه=الأيـام عجـلـه وأرذل العـمـر تاليـتـه!!
تعرف المصايب من تحنّـه ومـن تـدراه=مثل ما تعـرف اللـي تـروح متوطيتـه !!
الإنسان ودّه ينحرم مـن ( رغـد دنيـاه )=ولاينحرم مـن ( نـور عينـه وعافيتـه ) !!
للمبدع / مطلق بن شويه