بعض الرجال اليوم مثل الزنابيل= اليا حكمت الكيس مامن روايح
واليا فتشت اقصاه مابه محاصيل=غير العفن من مشة الزور فايح
ومسعاه باالدنيا للقال والقيل=والمنطق اللي مقدماته بجايح
واليا قسا وقته للحمل ميشيل=ضعيف ولاله بل مراجل ربايح
والباس ماله وسط قلبه مداهيل=ومن اتفه سبب عبرات عينه سفايح
مسكين ومخاوي عفون ومهابيل=متخاشرين وفيه عيش وملايح
وعاد نفسه من زحول الرياجيل=ما يدري انه بغبة الجم طايح
ولا مفتشه ولا معدلٍ فيه تعديل=وتجنبه مع واسعات البرايح
ما دام لي مبدا وعرف المداخيل=الذيب ماهمه( 0000 )الذبايح
والنذل ما له وسط نفسي مقابيل=ولمقدمن شوره ولا خذ نصايح
ولا عم طلقين الوجيه المشاكيل=اهل الكرم والطيب بيض الصفايح
وثني عليهم عد وبل الهماليل=وعداد ما يبرق من البرق لايح
والعلم واضح وصاحب العرف ما يميل=عن الطريق اللي سلومه صحايح
والختم صلو عد ما اقبل الليل=على النبي اعداد نضم القرايح
ناصر المحمدي
.
.
.