المشاعـر هايمـه يمّـك والانفـاس مْغًـمـوره = يا الغنوج اللي سكنتي ب ( آخر ) أطراف الحنايا
والله انه يوم مر الطرف م ( اخطانـي ) مـروره = لين صحت وقلت عينـك سهمهـا سـوّا سوايـا
اعترضتي للخفوق/ وتاه .. مايعـرف شعـوره = واصطفقتي بالضلوع/ وضاعت اسـرار النوايـا
يابنيّه.. طالبك/ صـدّك طغـى بالقلـب جـوره = لاعب(ن) فيني / ومهلكنـي / وكاوينـي كوايـا
طالبك / قلبك عسـاه/ يخفـف بحـدّة غـروره = يبتسـم مـرّه ويشعـل شمعـه بذيـك الزوايـا
بلّغيه اني مـن اسبابـه بـي الـروح مْهَـدوره = وإن تمادى ساقنـي فـي رحلـة دروب المنايـا
في كتاب الله .. من انواع الكُفر واعظم أمـوره = قتل نفس بغير حق ... وحضرتك كلّـك خطايـا
قاتلـه / ومضيّعـه قلبـي بـلا راي ومشـوره = وتعرفين اني هلكت وصرت ب( اعداد ) الضحايا
وش تبين اكثر من اللي خط لك حرف بسطـوره = وانطبع حرفك بكـل ضلوعـه العـوج الظمايـا
ووش تبين اكثر من اللي ساق لك نفس مْغًمـوره = موتها جاها .. ولازال الهـوى وسـط الحنايـا
محمد الفارس
.
.
.