ابك انا ماقلت لك .. وش فيك .. لا تخــــــــتال = ترا ما كل من جالك حبــيــبي بالهوى هالك
وترا كل القلوب اللي تجيك من الهوى بوصال = تجيها ساعه قشرا وتنسى الود ووصالك
وترا سود الليالي سود لو تكثر بها الاطلال = و نور العشق مايذبح ياكود اليا لفى اطلالك
عشقتك سكره الشاعر الى منه كتب بخبال = ولك كل الخبال اللي كسااه لعشقه اخبالك
احبك كيف ما ادري ولكني رسمت اجيال = من العشاق في عشقي تعيش بداخل اجيالك
احبك قد ما قالو .. ولك قد الرمال رمال = واحب الخطوه اللي في وسط قلبي على رمالك
وصلتك و الورق توه يباس ولاشربه الفال = اجل وش لون لو يشرب غريب الشعر من فالك
تعال ادخل معي .. لفه .. وخل الفكر عنك لحال = وعش في لحظه اجنوني و خلك دوم بلحالك
تعال اتشوف هذا اللي يسار شوي قرب الجال = (يمينك) لا (يسار ) شوي تحسه ينبض لجالك
هذاك الخافق اللي لا لمسته في يدك يهتال = اجل لو تدخل الشريان شفت اشياء تهتالك
ودخيلك لا طلعت اقفل وراك الحاجبين بحال = و خل الخافق اللي من ورا الاضلاع يحلالك
و دخيلك لا بغيت اتروح لاتذكر سوا الاطلال = ونصيحه لا بغيت اترد .. لا ترجع ترا اشوالك