ياسلامي عدد ماهب ريح النسيم = للوئام ولكل انسان حب الوئام
يا البجادي بعد ماعاقبتنا سديم = أقرب الله يعزك يارفيع المقام
يا لا لا له يالاله يالا لا له يا لال
يا هلا ومرحبا بك يالرفيق الحليم = في وئام المحبة في وئام السلام
وهّـقوني وانا بالشعر ماني فهيم = والمحاور حروفه ما تجي بالكلام
يا لا لا له يالاله يالا لا له يا لال
قالوا انك هجرت الدار وانته سليم = ليه مدة غيابك جاوزت فوق عام
غير راع النداوي يوم رد الحميم = هات عذرك عن الغيبات يا ابن الكرام
الظروف أبعدتـني وانت مثلك حكيم = والعذر والسموحـــه مــــا علـينا ملام
والنعم بالنــداوي للمراجــل مقـــيم = وانت جودك كسبته من خوال وعمام
يا لا لا له يالاله يالا لا له يا لال
يا البجادي يقولون المسامح كريم = ولانعاتب ياغير الغانمين الحشام
صاحبك قد جرا له قبل وقتٍ قديم = من سبايب نحيل الخصر راع اللثام
يا لا لا له يالاله يالا لا له يا لال
نطلب الواحـــــد اللي دوم بخلقه رحيم = والعتب يا محــــمد للحبايب وسام
الله أكبر على اللي صابني في الصميم = قبلكم يا محمد ذقت طـعم الغرام
يا لا لا له يالاله يالا لا له يا لال
والله اني ماكنت ابغى يكون الخصيم = لكن الحظ جاب الضرب تحت الحزام
ولابغيت الحق النيران فوق الهشيم = خوف من طيحة الخيّال راع الحسام
يا لا لا له يالاله يالا لا له يا لال
الخصم لو تشوفه من خياله عديم = فكرته ترجمتها ساجعات الحمام
نطفي النار عنكم لين تصبح رميم = والجمل لك نقوده وانت فوق السنام
يا لا لا له يالاله يالا لا له يا لال
جعلك بعز ياراع المكان العظيم = قدّها ياسلايل روس ناسٍ عظام
جرحي اللي حسبته مات واثره سقيم = طاري الغيبه احيا نزف بين الحطام
يا لا لا له يالاله يالا لا له يا لال
هـذي كل الهقــاوي جـبـتها يالــــزعيم = يحفظك من عيونه ساهرة ما تنام
قلت قولي وانا ادري بعض شعري عقيم = بعد صقل القوافي صار فيها انقسام
يا لا لا له يالاله يالا لا له يا لال
الله انه يجيرك من شرور اللئيم = واحدٍ مستوي عنده حلال وحرام
والله انك عوضنا عقب ذاك الغشيم = مبتلينا وخلاّ الشعر بعده يضام
يا لا لا له يالاله يالا لا له يا لال
البقاء يـالبـناخـي وحظّـنا مستقيم = والقوافي معاكم جــت على مايرام
واحة الشعر صارت من نديم لنديم = والغشـيم دوك خـيله نصفها كالنعام
يا لا لا له يالاله يالا لا له يا لال
والله إنا بلينا واصبحت في جحيم = واحةٍ قبل يلفيها بخير وتمام
كان ودك تحس بغبن فيني وضيم = ارجع اثنعـ12ـش خطوه شوف فعل الغشام
يا لا لا له يالاله يالا لا له يا لال
إترك اللي يحسّـك في حماكم يهيم = يصبح الجوعنده بين ليل وظلام
العفو يــا محـــمد لا تحـطه غــريــم = من يروم المعالي ما يحب الخصام
قمت انادي وئامي وين راحت سديم = القوافي بعد شابت غشاها الغمام
.
.
.
وصلت النكبه
الفارس & البجادي
بيض الله وجيهكم ماقصرتوا
امتعتونا الله يعطيكم العافيه
.
.
.