المشاركة الأصلية كتبت بواسطة محمد السبيعي

يا خلّي اللـي قبـل أعرفـك ، لقيتـك=في محجر عيوني ، ونبضي ، وشعري!
أترعت كاسي مـن غـلاك ، وسقيتـك=كل الغلا اللي تملكه وسـط صـدري!
أمطرت بك فوق الجفـاف ، وجنيتـك=خضار ترتـع بـه خيـالات فكـري!
أنهيت بـك حـزن القديـم ، وبديتـك=حاضر فرح تشرق به الشمس بـدري!
أسهرت لك عيـن الوصـال وسريتـك=حتى تبيّـن فـي مواصلـك فجـري!
هدمت بـك قصـر الغيـاب ، وبنيتـك=حتى إكتمل في فيّ ناعسـك قصـري!
أدفيت بـك بـرد الضلـوع ، وكنيتـك=حتى إنسكب دفئك على برد سطـري!
نذرت لـك لآقـف علـى بـاب بيتـك=وهـذا أنـا واقـف وفـاءً بـ نـذري!
بسألك لكـن قبـل لا اسـأل رجيتـك=جاب ولكـن لا تجـاوب بـ(مـدري)!
قلّي بعـد مـا صـرت حيّـك وميتـك=معك إبتدى ولا إنتهى فيـك عمـري؟!!