خلني اداري علتي والزم الصمت
كثر الحكي مايكسب الخلق نوماس
بعيونه الحلوه انا وصاحبي همت
وله ريحة الياسمين لا اقبل على الناس
وحلمِ اشوفه في منامي الا نمت
مثل الذهب ومطعمِ ابزين الالماس
هو الوحيد اللي له الروح سلمت
هو الغلا والحب عن ساير الناس
اسمه ابخمس حروف منها تعلمت
فن الهوى والحب من دون هوجاس
ودك تعرفه ركز اشوي لاهنت
آسف لقيت الحرف من بعدي احتاس
اسمه ابخمس احروف منها تعلمت
ان الهوى والعشق مجموعة احساس
انتهى النص وللجميع كل الفاء والمحبه
د ساري الرياض