دخيلك لا طغى همي عليْ وزادتْ أوجاعي = أبي عينك تغمّضْها وتصدْ إن شفتني طايح
ماابي أكْسر الخاطر أبيك تقدّر أوضاعي = متى ما شفتني فجأة مثل شمْع الشقا سايح
خلْني أجْمَعْ شتاتي ترى ما للحكي داعي = شموخي يرفضك تسْمعْ عيوني تشكي وتصايح
عشاني كان لي خاطر .. لا تلويلي ذراعي..! = ولا تتبعْني وتحاول تكلّمني وأنا رايح

يـواسيـني وانـا الميت وحـالي يجبـر الدمعات = تسيل من الذي فيني ويبكي وهو يواسيني
وانا ابـكي.. وأتـنـهــد .. وارسم بــــ الحزن لـوحات = يـجـبـروني عشــان امشي ورجلي.. ما تمشيني
وكنه حلم قدامي .. يقيدني من الــصــرخات = ابي اصحى.. ولكن مالـقـيـت اللي يصـحـيـني

عطني بقايا قلب...مني خذيته = واعطيك فرقا... ما بعدها تلاقي
وان كان لك باقي وفيني...رجيته = انا ترى ما عاد لي فيك... باقي .. !!

لميت جرحي واحتضنته و سافرت = ما للوداع بخاطـري غير تجريح
ودي ولكن انصدمت وتصبرت = واقفيت اشد اخطاي بالغصب لا اطيح
ما هو جفا .. انا وفـي ما تغيرت = عقب الوداع .. فراق ما هو بتلميـح
ياليتني دمعـة فراق وتبخرت = لا( احساس) لا ( وجدان) لا (قلب يصيح)
امشي على ذكراكـ ولا تعثرت = يا ساكن الوجدان من دون تصريـح
ولو خيروني من الملا ما تخيرت = غيركـ حشا وش فيه .. من هبت الريح

رفعت الرايه البيضا / نعم سلمت واستسلمت = رفعت ايديني / الثنتين وسو اللي تبي فيني
فداك الطاعه / العميا عليها يالحبيب اقسمت = اطيعك لو تعذبني وتظلمني وتشقيني
انا بلياك يالمحبوب يجرحني رهيب الصمت = احس اني وحيد بعالمي لاغبت عن عيني