صباااح الخير
حبيت تشاركوني رايكم في هالقصيده اللي اعجبتني وقلت ان شاء الله تعجبكم ."
القصيده للشااعر .:" فهد المساعد ":.
أقول : يمكن تنفـرج فـي المقابيـل
....................................و لا ادري الا الأرض تحتـي تهايـل
و بعد التعب والهم والحـط والشيـل
...................................توّي عرفت ان البخـت كـان مايـل
مع ذاك ابو ذيك الرمـوش المظاليـل
...................................ذاك الغريب اللي عمل بـي عمايـل
جتنـي مراسيلـه تشـبّ القنـاديـل
.....................................و معهـا سـؤالٍ جاوبتـه النحايـل
يقول : ( كيف الحال بعد المراسيل ؟ )
..................................و اقول ( مثل الحال قبل الرسايـل )
عمر الكتابه مـا تجيـب المواصيـل
...................................ريّح مكاتيبـك تـرى الشـك زايـل
ان ما حصل همس وحنـان وتعاليـل
.....................................واعاتبك ليـن المـح الدمـع سايـل
و اجلس واسولف عن زمان البهاذيل
...................................و انسى السوالف لا نسفـت الجدايـل
كذا يصير الحـب والوصـل والليـل
....................................وكذا ادري انك ما نسيـت الجمايـل
اما كـذا والا اتـرك الحـظ للميـل
...................................واتركني فوق الارض تحتـي تهايـل
انتظركم ,,,,,,,,,,,,
بردووووودكم