بسم الله الرحمن الرحيم
تحميل الملف من هنا
كتمت الجرح والدنيا على قلبي تزيد جروح = اخفيها عن العالم وانا كلي قهر واحزان
اعيش بروح مجروحه مع الاحزان ماهي روح = تصافقها المشاكل كل يوم وحالها نقصان
اجامل كل من حولي بضحكات تجي وتروح = ابين ضحكتي والهم في صدري كما الدخان
يفوح الجرح في قلبي ومن يقدر يرد الفوح = نسيت وما لقيت إلا النكد في عالم النسيان
جروح الوقت ما ترحم على حالي تلوحه لوح = تعبت اركض مع الدنيا على وجهي كما الهيمان
ادور لي صديقٍ مخلصٍ في عالمٍ ممسوح = عجيب امر الاوادم كل واحد فيه عيب وشان
كثير اللي يبي الصحبه وله في صحبته مصلوح = ليا منه خذا الحاجه يبيعك بأبخس الاثمان
يبي ياخذ ولا يعطي لسانه فالورى ذابوح = دخيلك يا إلاهي لا يجي حولي مع العربان
انا ماني حريص إلا على اللي للخطأ داموح = ينسيني اهمومي وإن وقعت يشيليني عجلان
همومه كلها عندي وهمي درس له مشروح = صدوقٍ صادقٍ والسر عنده عالي الكتمان
تعلمت الدروس من الليالي والدروس اشحوح = عرفت المخلص الصادق من الكاذب من الطعان
عرفت الطيب يوم الطيب في هذا الزمن مذبوح = عرفت الناس صاحيهم من المجنون والسكران
عرفت احوال ناسٍ حالها في خبثها مفضوح = يحبون النمايم والنمايم فعلها خســـران
كتمت الجرح والدنيا جروح اجروح للمجروح = اخفي جرحي الغاير وانا كلي قهر واحزان
بقلم
حسام الشعر
خليل المطيري