السلام عليكم ورحمة الله وبركاتة
أحبتي أخوتي أخواتي
طاب مسائكم بكل خير وصباحكم
أرجو من الله ان تكونوا بخير وعافية
اضع بين يديكم هذه المتواضعه راجياً من الله العلي القدير ان تنال على رضاكم وإستحسانكم
أخوكم أبو يوسف
حالي تحلحل وحال الوقـت محتالـي
وبالي تغربل وبـال الوقـت غربالـه
ياحوستي حاسني حواس الأعسالـي
وروحي من الغم تتشبث على حبالـه
احس خلـي يحـط المـر بالحالـي
ويحوس من هو سعيد الحظ ماناله
جنى وتجنـّا وجـار وجـر غربالـي
وحار وتحّيـر وحيّـر للشقـي بالـه
نسى وتناسى وسيل مسيلـن سالـي
وخلا دموعي علـى الخديـن سيالـه
خلي تغلىّ وتخلىّ وارخـص الغالـي
وانخدع مـا تخيّـل نفسـي خيالـه
شب شعري وحام القاف لـه صالـي
واشتعل شاعرن بالقـاف لـه صالـه
واحترق واخترق شعري شقى حالـي
وأصبح الصبح وحالي من السهر حاله
لولا المـودة لاهـدّة هـدت العالـي
اللي من الساس هـدّه فـاس عمالـه
فيني معزّه وعـزه وفينـي أهبالـي
معزتـي للعزيـز وهبالـي أهبـالـه
اصبر لعلّ وعسى وللحمـل حمالـي
ولا ظامني جور وقتـاً زوّد احمالـه
ولا أعترف في حبيبـاً مـا تهيالـي
او حطني إحتياطي بجـدول أعمالـه
لاشك ابا اوصّلـه خطـي ومرسالـي
عشان يعرف مقامـي ومـا يتهيالـه
ولا يـدور بخيالـه أنــي التـالـي
ولا أقبـل اكـون غيـر الأول أبالـه
والله لا ادعس على هالقلـب بنعالـي
وأمرمطه لين يعرف فزعـت رجالـه
اما حبيباً وفيّ ماهـو يتوافـى لـي
ولا بقلعـت ابـوه وعمـه وخـالـه