ضاق الغمام وفاح صدر المزاريب
يالله بجاهك يـا عليـم الغيوبـي
يا منجي يوسف من الجب والذيب
بحماك يا ساتـر خفايـا عيوبـي
صاحوا تناخوا دوروا بي عذاريب
تجمعـوا ليلـة وزا سولفـوا بـي
أثري مسوي بالقلوب الأعاجيـب
وأنا مثل وجه السماء نقش ثوبـي
أنا وسيع بطان راهـي مطاليـب
ما أضيق لو شانت نوايا ادروبـي
أرد وأصدر واّخذ العلم وأجيـب
ماني على طرش الرعاع امحسوبـي
بردت كبدي من قراح المشاريـب
دوبي رويت من الشهاليل دوبـي
خليت للحاسد طشاش وحثاريب
يتـوب وإلا قلعتـه لا يتـوبـي
شعري زها بجباه بيض المكاسيـب
شعري على طرياه هبـت هبوبـي
شعري رسايل عيد طيب على طيب
عطر الشمال وهفهفات الجنوبـي
شعري وسايد مترفـات رعابيـب
شعري لوى تلعات الأرقاب صوبي
شعري شهد له طيبيـن المجاذيـب
وش عاد لو سواد النوايا حكوبـي
لو كان مالي غيرها من مكاسيـب
ما أبغي شهـادة ميتيـن القلوبـي
هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .