تعبت من الوقوف وملّـت افكـاري مـن التغريـب
ولا ادري ويـن ايمـم وجهتـي .. واوّجـه ركابـي
الاهي وانت جاهي جل ّ جاهك ما ادعيّـت الغيـب
ولا اعلم كم بقى لي من غـلا فـي صـدور غيّابـي
اطيب .. وترفض وجيه السنين الشاحبات .. الطيـب
تشـح ولاتصـح .. وتستلـذ اللعـب باعصابـي
عليها كم غزيت وكم خذيت .. وشمخـات النيـب
لحقهـا وسمـي اللـي فـي غيابـي ميّـز اصحابـي
مفاهيـم الزمـن فـي حاجـة التغييـر والتهذيـب
عسى ربـي يخفـف مـن ضـراوة وضعهـا النابـي
ياصبر ايوب وزّع في عروقي ..نـص عمـر شعيـب
ياكف الياس ..بلّغ عن طموحـي مـن تهقـوى بـي
انا اللي قبل يقنب ذيب غيري ..جبـت راس الذيـب
وانا اللي مع سمو اسباب غيـري .. طبّـت باسبابـي
وانا اللي طال مدّي عن ظنون الشـك والتكذيـب
وانا اللي ما ارتضيـت المعضـلات وفلّـت كتابـي
وانا اللي ما رجيـت سياسـة التلميـع والتغييـب
يكفينـي وجـودي فـي فضـا فكـري ومحـرابـي
ولاخفـت الموالـي مـن وراي ّ ولا علـيّ تثريـب
لو اغتـال المواجـع وارفـع اكبرهـا علـى بابـي
عطيت ..ولا لقيت من العطا غيـر الجفـا والريـب
صدقت ..ولافقدت الاّ اثمـن احبابـي مـن احبابـي
من الاعراب عانيـت العـذاب ومنتهـى التعذيـب
وقوفي بين جرحين .. [ التعب ] و [ الدم الاعرابي ] !
عناد النفيعي